Sækja og eyða föstum launaliðum

Hægt er að sækja og eyða föstum launaliðum á nokkrum stöðum í kerfinu. Mælt er með að fastir liðir séu ekki sóttir fyrr en búið er að gera allar þekktar breytingar á stofngögnum starfsmanna. Það er gert til að losna við auka handavinnu sem felst í því að breyta sóttum færslum í launaskráningu út frá nýjum forsendum.
Fastir liðir eru að öllu jöfnu sóttir fyrir alla starfsmenn í einu, en einnig er hægt að velja stakan starfsmann. 


Aðgerðarsaga
Aðgerðin að sækja fasta liði er skráð í aðgerðarsögu. Aðgerðarsaga er aðgengileg í hliðarvalmynd á vinstri hlið undir Kjarni>Laun. 

Sækja fasta launaliði við stofnun útborgunar

Sækja fasta launaliði við stofnun útborgunar

 

 Hægt er að sækja fasta launaliði þegar útborgun er stofnuð. Það er gert með því að setja hak í Fastir launaliðir neðst í glugganum sem opnast þegar útborgun er stofnuð. 



Sækja/eyða föstum launaliðum í launahring

Sækja/eyða föstum launaliðum í launahring



Hægt er að sækja fasta launaliði hvenær sem er í opinni útborgun í gegnum launahringinn. Það er gert með því að smella á „Föst laun" en þá opnast meðfylgjandi gluggi sem nauðsynlegt er að yfirfara áður en fastir launaliðir eru sóttir. 



Í glugganum sem opnast eru efst upplýsingar um útborgunar númer valinnar útborgunar.


Þar fyrir neðan er síðan hægt að velja inn ákveðinn launamann með því að ýta á punktalínuna. 

Einnig er hægt að sækja fasta liði fyrir ákveðin samning eða ákveðin launalið.


Neðst í aðgerðasvæðinu er valin sú aðgerð sem á að keyrast þegar launaliðir eru sóttir. Haka þarf við sækja fasta launaliði til að þeir verði sóttir. 


Ef búið er að sækja fasta launaliði áður þarf að setja hak í Eyða föstum launum fyrir. Í flestum tilvikum er gott að hafa alltaf hak í þessum reit því annars koma allir fastir liðir tvöfaldir inn. Ef það gleymist að setja hak í þennan reit og fastir launaliðir birtast tvisvar hjá öllum starfsmönnum er hægt að keyra aftur þessa aðgerð, setja hak í Eyða föstum launum fyrir og þá eyðast allar fyrri færslur út. 


Ef að það er sett hak í Reikna laun þá reiknar kerfið laun út frá þeim föstu liðum sem voru sóttir og þeim launaliðum sem búið er að skrá í útborgun. Athugið að það er alltaf hægt að reikna laun aftur síðar. 
Einnig er hægt að sækja fasta launaliði á einstaka launamenn í skráningarmynd launa. 

 

Ef eyða þarf föstum liðum úr launaskráningu, þá er þessi sama aðgerð notuð. 
Í launahring er smellt á Föst laun. Í valskjánum er hakið tekið af „Sækja fasta launaliði" en hakið látið halda sér í „Eyða færslum fyrir" og „Reikna laun" Því næst er smellt á hnappinn Sækja og aðgerðin eyðir öllum föstum liðum í launaskráningu.