Útgáfa 22.2.1
Útgáfudagur var 15. júní 2022
Rafrænar undirritanir - ráðning fram í tímann og fleiri en eitt launamannanúmer
Nýrri virkni var bætt við rafrænar undirritanir þannig að nú er hægt að velja dagsetningu fram í tímann og sækir þá sniðmátið upplýsingar m.v. þann dag. Einnig er hægt að velja á milli launamannanúmera ef starfsmaður er í fleiri en einu starfi á sama tíma en áður var eingöngu miðað við aðallaunamannanúmer starfsmanns og upplýsingar sóttar m.v. það.
Rafrænar undirritanir - val á netfangi
Áður voru rafrænir samningar sendir á vinnunetfang starfsmanns, ef það var skráð, annars á persónulegt netfang. Í einhverjum tilvikum, t.d. í endurráðningu, vilja notendur geta valið um hvaða netfang eigi að senda á og netfangi starfsmanns hefur því nú verið bætt á skjámyndina fyrir rafrænar undirritanir svo notandi geti valið á hvort netfangið senda eigi samninginn á.
MTP tenging
Breytingar voru gerðar á MTP tengingu í tengslum við Device id starfsmanns í MTP.
Afritun launaliðar
Í ljós kom að afritun launaliðar var í ólagi. Þegar launaliður var afritaður þá eyddust reiknar úr flipanum “Reikningur” á spjaldi launaliðar og tvöfölduðust í nýja launaliðnum. Því er mikilvægt að skoða þennan flipa ef einverjir launaliðir hafa verið afritaðir frá síðustu útgáfu.
Tería, mötuneytislausn - smávægilegar breytingar á kiosk
Smávægilegar breytingar voru gerðar í þessari útgáfu tengt kiosk-inu fyrir Teríu
Skattkort fyrir 16 ára starfsmenn
Upp kom að ekki var hægt að stofna skattkort fyrir starfsmenn fyrr en þeir voru orðnir 16 ára, þ.e. verið var að horfa á aldurinn en ekki árið. Þetta hefur verið lagað.
Ráðningar > Auglýsingar - XML fyrir fyrirtæki
Ef viðskiptavinur er með fleiri en eitt fyrirtæki er hægt að birta XML fyrir ákveðið fyrirtæki með því að setja númer fyrirtækis aftast í XML hlekkinn (/[númer fyrirtækis]). Þetta var aftur á móti ekki að virka en hefur verið lagað.
Ráðningar > Ráðningarferli - tilfærsla á takmörkuðum aðgangi og ekki aðgangur að núverandi stöðu
Ef notandi með takmarkaðan aðgang var að gera tilfærslu í Ráðninarferlinu fékk hann upp villu ef hann var ekki með aðgang að stöðunni sem viðkomandi er á í dag. Aftur á móti gat notandinn haldið áfram í ferlinu. Þessi villuskilaboð hafa verið tekin út.
Ráðningar > Ráðningarferli - tilfærsla á takmörkuðum aðgangi og ekki aðgangur að launaupplýsingum
Ef notandi með takmarkaðan aðgang var að gera tilfærslu í Ráðningarferlinu og er ekki með aðgang að launagögnum þá fékk hann upp villu á grunnlaunaspjaldið og gat ekki klárað ráðningarferlið. Þetta hefur verið lagað.