...

...

Listinn Auglýsingasvör aðgengilegur á upphafsvalmynd

Listinn Auglýsingasvör er nú aðgengilegur út frá auglýsingu strax á upphafsvalmynd ráðningalausnarinnar.

Staðfestingarbréf sent í tölvupósti

Þegar umsækjandi sendir inn umsókn um laust starf í gegnum vef fær hann nú sendan tölvupóst á uppgefið netfang til staðfestingar þess að umsókn sé móttekin. Textinn í tölvupóstinum er sá sami og birtist á skjánum þegar umsókn er send inn.

Nýtt útlit á yfirlitspjaldi umsóknar

Þegar smellt er á umsókn um tiltekið starf í listunum Umsóknir, Auglýsingasvör eða á upphafssíðu opnast nú gluggi þar sem búið er að draga saman upplýsingar um menntun og starfsferil umsækjanda sem og öll viðhengi sem umsækjandi hefur látið fylgja með umsókn. Úr þessum glugga er einnig hægt, eins og áður, að breyta stöðu umsókna og umsækjandaröðun.

Mynd umsækjanda á spjaldinu Umsókn

Mynd umsækjanda er nú birt í spjaldinu Umsókn. Spjaldið Umsóknir er aðgengilegt úr listunum Umsóknir og Auglýsingasvör auk þess sem það er aðgengilegt á upphafsvalmynd.

Útlitsbreyting á spjaldinu Starfsferill

Tékkbox svæðin Núverandi starf og Hef ekki sagt upp hafa verið færð nær fyrirsögnunum.

Svæðin í Færsla falin í þeim spjöldum sem innihalda aðrar dagsetningar

Svæðin í "Færsla" hafa verið falin í þeim spjöldum sem innihalda aðrar frá og til dagsetningar. Þetta á við um spjöldin Menntun, Starfsferill og Réttindi. Það gat verið ruglingslegt fyrir notendur að hafa öll þess dagsetningarsvæði birt. Hægt er að komast í svæðin í "Færsla" með því að smella á örvahnappinn fyrir framan fyrirsögnina.

Fellilisti fyrir ár í dagatali á umsóknavef

Kominn er fellilisti fyrir ár þannig að fljótlegt er að velja annað ár en núverandi ár. Áður þurfti að fara aftur um einn mánuð í einu til að komast á árið á undan. Eins og áður er einnig hægt að skrá dagsetningu í svæðið.

Eyða umsækjanda – Viðvörun og öllum undirspjöldum eytt

Þegar umsækjanda var eytt þá eyddist bara spjaldið Umsækjandi og það þurfti því að eyða öllum öðrum spjöldum sérstaklega, s.s. Umsókn, Menntun, Starfsferill og Samskipti. Þessu hefur nú verið breytt þannig að þegar spjaldinu Umsækjandi er eytt þá eyðast á sama tíma öll önnur spjöld viðkomandi umsækjanda. Því hefur einnig verið bætt við að nú kemur upp viðvörun þegar valið er að eyða umsækjanda þar sem notandi þarf að staðfesta að hann vilji örugglega eyða umsækjandanum og öllum undirspjöldum hans.

Forrit sem kemur gögnum umsækjenda í viðeigandi spjöld

Upp kom að gögn umsækjanda, s.s. starfsferill og menntun, skiluðu sér bara sem svör við spurningum en vistuðust ekki alla leið í viðeigandi spjöld umsækjanda. Það var því gert forrit sem vistar þessi gögn sem þegar eru komin inn alla leið í spjöldin. Þetta forrit hefur verið keyrt hjá þeim viðskiptavinum sem nota ráðningakerfið.

Lögheimili og aðsetur

Ef spurt var um lögheimili í umsókn þá vistuðust upplýsingarnar í lögheimilissvæðin á umsækjandanum og ef spurt var um aðsetur í aðseturssvæðin. Þetta var ekki nægilega hentugt þar sem almennt er bara spurt um annað hvort í umsókn. Það er þ.a.l. búið að bæta því við að þegar umsækjandi skráir lögheimili eða aðsetur í umsókn þá vistast upplýsingarnar í bæði svæðin í Kjarna.

Hvítur rammi efst á umsóknavef

Rammanum efst á umsóknavefnum hefur verið breytt úr gráum í hvítan. Þetta er vegna þess að logo margra viðskiptavina eru með hvítum bakgrunni

Yfirlitssíða vistist niður

Upp komu tilvik þar sem yfirlitssíða vistaðist ekki niður þegar umsækjandi sendi inn umsókn á umsóknavef. Þetta hefur verið lagað þannig að yfirlitssíðan vistist alltaf niður.

Nafn á yfirlitssíðu innihaldi nafn umsækjanda

Því hefur verið bætt við að nafn á yfirlitssíðu inniheldur nú líka nafn umsækjanda, t.d. Yfirlitssíða – Jón Jónsson.

Heildaryfirlit umsækjanda aðgengilegt úr spjaldinu Umsóknir

Heildaryfirlit umsækjanda er nú aðgengilegt úr spjaldinu Umsóknir með því að smella á hnappinn Umsækjandi.

Nafn síðu sem listar upp auglýsingar

Nafni á vefsíðunni sem listar upp opnar auglýsingar var breytt úr /Advertisements í /Jobs þar sem það kom upp að ef umsækjendur voru með kveikt á ad block í vafranum sínum þá birtist ekki á síðunni listinn yfir auglýsingarnar.

Skoða svör – Ef yfirlitssíða er ekki til þá er hún stofnuð

Ef það kemur einhverra hluta vegna upp að yfirlitssíða umsækjanda sé ekki til þá myndar kerfið hana þegar smellt er á hnappinn Skoða svör í spjaldinu Umsóknir.

Spurningategund sýnileg inni í sniðmáti/auglýsingu

Upplýsingum um Spurningategund hefur verið bætt inn í Sniðmát/Auglýsingu.

Umsóknarfrestur – birting á vef

Breytingar hafa verið gerðar í tengslum við birtingu auglýsinga á vef þannig að þær birtast núna út daginn sem skráður er sem umsóknarfrestur á auglýsingu.

Aðgerðir – Breyta umsækjendaröðun

Aðgerðinni Breyta umsækjendaröðun hefur verið bætt við listana Umsóknir og Auglýsingasvör þannig að þar er nú hægt að velja marga umsækjendur og breyta Umsækjendaröðun á þeim öllum í einu lagi. Þessi nýja aðgerð er aðgengileg í aðgerðarhnappinum og sýnir lista yfir umsækjendaröðun m.v. þau gildi sem til eru á kerfi viðskiptavinar.