Stofnun á skipuriti – einföldun

Yfirskipulagseiningu hefur verið bætt við trélistann með skipulagseiningunum. Þá er þægilegra að sjá í listanum á hvaða yfirskipulagseiningu viðkomandi skipulagseining er tengd.

Birting undirstaðsetningar í spjaldinu Tenging innan fyrirtækis

Ef undirstaðsetning var tengd á staðsetningu þá birtist hún ekki í spjaldinu Tenging innan fyrirtækis. Henni hefur nú verið bætt við þannig að þar birtist bæði Staðsetning og Undirstaðsetning þar sem við á.

Börn allra starfsmanna birtast í spjaldi starfsmanns

Upp kom að börn allra starfsmanna í kerfinu birtust í flipanum Börn hjá starfsmönnum. Þau birtust bara en voru ekki raunverulega öll tengd á starfsmanninn. Þetta hefur nú verið lagað þannig að eingöngu þau börn sem tilheyra starfsmanninum birtast í spjaldinu hans.

Fyrirtæki birt í lista við stofnun á stöðu

Þegar verið var að stofna nýja stöðu og tengja hana á skipulagseiningu þá kom ekki upp í listanum yfir skipulagseiningarnar það fyrirtæki sem skipulagseinining var tengd á. Það er mun þægilegra að hafa fyrirtækið sýnilegt í listanum því þá er fljótlegt að takmarka niðurstöðurnar við ákveðið fyrirtæki. Fyrirtækinu var því bætt inn í listann.

Leit í starfsmannalista eftir nafni starfsmanns

Hægt er að leita í starfsmannalista eftir nafni starfsmanns. Ef það var gert og nafnið svo strokað út þá kom upp villutákn í leitarreitnum. Þetta hefur verið lagað.

Innsláttarvilla í fyrirsögn greiningarlistans Tenging innan fyrirtækis

Það var innsláttarvilla í fyrirsögn greingarlistans Tenging innan fyrirtækis. Hún hefur verið löguð.

Viðbótarsvæði í spjaldið Starfsmaður

Svæðunum Sakavottorð og Land hefur verið bætt í spjaldið Starfsmaður.

Hlutir í láni – vallisti stillanlegur fyrir viðskiptavini

Listinn fyrir Hluti í láni kom forstilltur með kerfinu. Þessu hefur nú verið breytt þannig að viðskiptavinir geta sjálfir stillt hvaða hluti þeir vilja geta skráð á starfsmenn. Listinn er aðgengilegur í Hliðarvalmynd undir Kjarni > Stofnskrár > Hlutir í láni. Þar er hægt að stofna nýjar tegundir og viðhalda eldri tegundum.

Tegundir réttinda – vallisti stillanlegur fyrir viðskiptavini

Listinn fyrir Tegundir réttinda kom forstilltur með kerfinu en viðskiptavinir gátu viðhaldið listunum fyrir réttindin sjálf. Þessu hefur nú verið breytt þannig að viðskiptavinir geta sjálfir líka stillt hvaða tegundir þeir vilja hafa. Listanum verður bætt inn í Hliðarvalmynd undir Kjarni > Stofnskrár > Tegundir réttinda. Þar er hægt að stofna nýjar tegundir og viðhalda eldri tegundum.

Viðbótarsvæði í spjaldið Réttindi

Viðbótarsvæðunum Númer og Fyrst gefið út hefur verið bætt við spjaldið Réttindi.