Skjalaskápur er innbyggður í Kjarna þar sem hægt er að halda utan um öll þau skjöl sem tilheyra starfsmanni, umsækjanda, námskeiði eða starfi. Einnig er hægt að hafa hlekk á viðhengi í ytra skjalakerfi.
Skjöl starfsmanna er hægt að nálgast í gegnum spjaldið Viðhengi í starfsmannatré auk þess sem hægt er að komast í viðhengjaspjaldið í gegnum öll spjöld starfsmannsins.
Þegar komið er inn í spjaldið er hægt að tengja nýtt skjal á starfsmann með því að smella á + hnappinn Stofna færslu (græna plúsinn). Til að velja inn nýtt skjal er annað hvort hægt að smella á Sækja skjal eða draga inn skjalið úr möppu inn í reitinn og "sleppa". Þegar skjalið er sótt þá fyllist sjálfkrafa út í Heiti skjals.
Valin er Tegund skjals eftir því hvernig skjal er verið að vista. Mikilvægt er að velja svo inn rétta Tegund skjals þar sem aðgangsstýringar eru niður á tegundir skjala. Tegund skjals getur t.d. verið starfsferilsskrá, prófskírteini eða ráðningarsamningur.
Sjálfkrafa fyllist út í svæðin Eigandi skjals og út frá því sem skilgreint er á tegund skjalsins sem var valin. Númer eiganda skjals kemur sjálfkrafa m.v. þann starfsmann sem unnið er með . ef eigandi skjals er starfsmaður eða launamaður. Ef eigandi skjals er annað (t.d. umsækjandi eða umsókn) þarf að velja réttan eiganda skjals og fylla aftur út í Númer eiganda skjals.
Að lokum er skráð Lýsing, ef við á, og smellt á Stofna og loka.
Ef eigandi skjals er annað en Starfsmaður eða Launamaður, t.d. Umsækjandi þá þurrkast út starfsmannanúmerið í Númer eiganda skjals út. Velja þarf inn réttan eiganda skjals og þarf að velja númerið aftur inn á starfsmanninum/launamanninum. Ef ekkert númerið er valið inn þá kemur athugasemd.
Ef Tegund skjals er ekki til í listanum er hægt að bæta þar við skjalategund undir Stofnskrár > Skjalaskápur - Tegundir skjala.
Græni plúsinn valinn til að bæta við nýrri tegund skjals. Í svæðið Gildi kemur enska heitið fyrir tegundina.
Hægt er að aðgangsstýra viðhengjum starfsmanna sem eru í fleiri en einu starfi. Þá þarf að stofna Eigandi skjals Launamaður (í gildi er sett EmployeeDetail) undir Stofnskrár > Skjalaskápur-Eigendur skjala. Svo þegar viðhengið er sett á starfsmanninn þarf að velja Launamaður í flipanum Eigandi skjals á skjalinu sjálfu og þar er svo viðeigandi launamannanúmer valið inn.
Í viðhengjaspjaldi er einnig hægt að hafa hlekk á viðhengi í ytra skjalakerfi:
Hægt er að fá upp öll skjöl í kerfinu í lista. Það er gert með því að setja skipunina FileRepository.List í skipanagluggann neðst í vinstra horni og smella á enter. Þar er svo hægt að listanum Mannauður > Viðhengi. Þar er svo hægt að sía í dálkum eins og t.d. sía á tegund skjals í reitinum Tegund skjals og starfsmannanúmer birtast í reitinum Númer eiganda skjals.
.
Undir Stofnskrár > Vöntunalisti - Skjöl er hægt að fá upp lista af starfsmönnum sem vantar ákveðnar tegundir skjala í sitt viðhengjaspjald. Dæmi; Ef það á að skoða hvaða starfsmenn eru ekki með ráðningarsamning í viðhengjaspjaldinu þá er Tegund skjals > Ráðningarsamningur valin inn og svo smellt á Sækja.
