Page Comparison

Skýrslan keyrist upp sem Pivot skýrsla sem hægt er að velta fram og aftur að vild. Hún keyrist upp með skipulagseiningum og nöfnum starfsmanna en þau er hægt að draga út og fá aðeins samtölur eins og í öðrum pivot skýrslum í kerfinu. Dálkarnir sem koma í skýrslunni eru:

Hættir á tímabili: Hér er talning á þeim sem eru með færslu merkta þeim gildum sem settar voru í Stillingar → Gildi. Hér fyrir ofan var tekið dæmi um að kerfið ætti að telja þá sem voru með stöðuna hættur, á eftirlaunum og á starfslokasamning sem "hætta" í skilningi starfsmananveltu. Þessi dálkur myndi þá sýna alla sem fengu þær stöður á því tímabili sem var valið inn á valskjánum.

Byrjaðir á tímabili: Hér er talning á þeim sem fengu færslu sem merkt er "Í starfi" í tenging innan fyrirtækis á tímabilinu sem valið var inn á valskjáinn. Athugið að hún telur aðeins þá sem áttu enga færslu eða voru með hættur færslu á undan færslunni Í starfi. Hafi starfsmaður skipt um deild og fengið nýja færslu vegna þessa á völdu tímabili kemur sú tilfærsla ekki fram í þessari talningu.

Starfsmenn í upphafi tímabils: Hér er talning á starfsmönnum sem eru í starfi í upphafi valins tímabils, eða þeir starfsmenn sem eru með ráðningarmerkinguna "Í starfi", "Í fæðingarorlofi", "Í veikindaleyfi" og "Í leyfi" auk þeirrar ráðningarmerkingar sem ekki er talin upp í stillingunni Turnover.leaving.

Starfsmenn í lok tímabils: Hér er talning á starfsmönnum sem eru í starfi í lok valins tímabils, eða þeir starfsmenn sem eru með ráðningarmerkinguna "Í starfi", "Í fæðingarorlofi", "Í veikindaleyfi" og "Í leyfi" auk þeirrar ráðningarmerkingar sem ekki er talin upp í stillingunni Turnover.leaving.

Meðalfjöldi starfsmanna á tímabili: Hér er lagt saman starfsmenn í upphafi tímabils + starfsmenn í lok tímabils og deilt í með tveimur til að finna meðalfjölda starfsmanna á völdu tímabili.

Starfsmannavelta á tímabili: Hér reiknar kerfið (hættir á tímabili/meðalfjölda starfsmanna á tímabili) *100 til að fá starfsmannaveltu á tímabili í prósentum.

Ef starfsmaður byrjar á upphafsdegi tímabils (sem er valið) þá telur hann ekki með í Starfsmenn í upphafi tímabils heldur telur hann með í Byrjaðir á tímabili.

Ef starfsmaður hættir á upphafsdegi tímabils (sem er valið) þá telur hann bæði með í Hættir á tímabili og í Starfsmenn í upphafi tímabils.