Skjalaskápur er innbyggður í Kjarna þar sem hægt er að halda utan um öll þau skjöl sem tilheyra starfsmanni, umsækjanda, námskeiði eða starfi. Einnig er hægt að hafa hlekk á viðhengi í ytra skjalakerfi.
Skjöl starfsmanna er hægt að nálgast í gegnum spjaldið Viðhengi í starfsmannatré auk þess sem hægt er að komast í viðhengjaspjaldið í gegnum öll spjöld starfsmannsins.
Þegar komið er inn í spjaldið er hægt að tengja nýtt skjal á starfsmann með því að smella á + hnappinn. Til að velja inn nýtt skjal er annað hvort hægt að smella á Sækja skjal eða draga inn skjalið úr möppu inn í reitinn og "sleppa". Þegar skjalið er sótt þá fyllist sjálfkrafa út í Heiti skjals.
Valin er Tegund skjals eftir því hvernig skjal er verið að vista. Tegund skjals getur t.d. verið starfsferilsskrá, prófskírteini eða ráðningarsamningur.
Sjálfkrafa fyllist út í svæðin Eigandi skjals og Númer eiganda skjals m.v. þann starfsmann sem unnið er með.
Að lokum er skráð Lýsing, ef við á, og smellt á Stofna og loka.
Ef Tegund skjals er ekki til í listanum er hægt að bæta þar við undir Stofnskrár - Skjalaskápur - Tegundir skjala.
Græni plúsinn valinn til að bæta við nýrri tegund skjals. Í svæðið Gildi kemur enska heitið fyrir tegundina.
