Umsækjendatré

Komið hafði upp villa í umsækjendatré. Þessi villa hefur nú verið löguð.

Afritun á auglýsingu

Bætt var inn virkni fyrir afritun á auglýsingu. Afritaða auglýsingin er algjörlega tengd auglýsingunni sem hún var afrituð frá þannig að ef spurning er bætt við eða eytt úr úr annarri hvorri auglýsingunni þá hefur það áhrif á hina. Þetta getur verið slæmt svo það verður tekið á þessu í næstu útgáfu.

Yfirlitssíða umsækjenda vistuð niður sem viðhengi

Hægt er að nálgast yfirlit umsækjenda með því að smella á Skoða svör hnappinn í spjaldinu Umsóknir. Því hefur núna verið bætt við að yfirlitssíðan vistist líka niður sem viðhengi. Þannig er hægt að prenta hana út með öðrum viðhengjum umsækjenda.
Einnig var gerð aðgerð sem hægt er að keyra til að vista niður yfirlítssíður fyrir þá umsækjendur sem sóttu um áður en þessi viðbót var komin í Kjarna.
Ráðgjafar Origo þurfa að setja inn viðeigandi stillingar.

Útlit yfirlitssíðu

Útlit yfirlitssíðu hefur verið bætt og sést þetta bætta útlit þegar farið er í yfirlitssíðuna sem vistast sem viðhengi á umsækjandann, sjá Yfirlitssíða umsækjenda vistuð niður sem viðhengi. Í næstu útgáfu verður þetta nýja útlit tengt inn í hnappinn Skoða svör í spjaldinu Umsóknir.

Auglýsingasvör

Bætt hefur verið inn lista þar sem hægt er að taka út svör umsækjenda við þeim spurningum sem ekki eru tengdar inn í umsækjendaspjöldin. Í listanum birtast líka grunnupplýsingar umsækjenda.
Þessi nýi listi er aðgengilegur úr listanum yfir auglýsingarnar.

Í framtíðarútgáfum verða búnar til samsetningar af listum í ráðningakerfinu þannig að ekki þurfi að fara í marga lista til að ná út heildarupplýsingum um umsækjendur.

Mail merge svæði í bréf

Áður voru mail merge svæði ekki aðgengileg þegar farið var í Bréf úr hliðarvalmynd heldur eingöngu þegar farið var í bréf úr listunum Umsækjendur og Umsóknir. Þessu hefur nú verið breytt þannig að mail merge svæðin eru líka aðgengileg þegar farið er í Bréf úr hliðarvalmynd.

Nafni bætt við nýskráningarfeli á vef

Nafni umsækjanda hefur nú verið bætt við nýskráningarferlið á umsóknavefnum. Áður þurfti notandi bara að skrá inn kennitölu og netfang. Ef hann nýskráði sig bara en fór ekki áfram í að fylla út umsókn um auglýsingu þá vistaðist hann niður í Kjarna án nafns, þ.e. eingöngu með kennitölu. Þar sem nafni hefur nú verið bætt við nýskráningarferlið þá hefur verið komið í veg fyrir að umsækjandi vistist niður í Kjarna án nafns.

Fæðingardagur og aldur umsækjanda

Þegar umsækjandi vistaðist niður í ráðningarhlutann með kennitölu þá fylltist ekki sjálfkrafa út í svæðið Fæðingardagur og þar með út í svæðið Aldur. Tekið hefur verið á þessu þannig að nú fyllist út í bæði svæðin þegar umsækjandi sendir inn umsókn.

Höfnunarbréf tengist umsókn en ekki umsækjanda

Því hefur verið breytt að nú tengjast útsend höfnunarbréf á umsókn en ekki á umsækjanda.

Flytja spurningar til í auglýsingum

Það höfðu komið upp vandræði með að flytja spurningar til í auglýsingum. Tekið hefur verið á þeim vanda.

Villa á vef

Það kom fyrir að umsækjendur fengu villu á vef án þess að augljóst væri hvað olli villunni. Þetta var tengt því að ef umsækjandi var að uppfæra umsókn sem hann hafði þegar sent inn og var með eitthvað tékkbox svæði sem hann hafði ekki hakað í þá meðhöndlaði vefurinn það ekki rétt og tók þessu eins og það vantaði svar við spurningu. Þetta hefur nú verið lagað.

Prentun viðhengja

Breytingar hafa verið gerðar á skjánum þar sem valdar eru þær viðhengjategundir sem prenta á út. Með því að smella á Velja allt er hægt að velja allar viðhengjategundirnar í einu lagi og ekki þarf lengur að tvísmella á þær tegundir sem valdar eru.