Notandanafn ekki skilyrt

Svæðið Notandanafn var skilyrt þannig að ekki var hægt að komast hjá því að fylla inn í svæðið þegar nýr starfsmaður var stofnaður. Þessu hefur nú verið breytt þannig að ekki er nauðsynlegt að fylla út í þetta svæði.

Réttindaspjald

Virkni í réttindaspjaldi var yfirfarin í framhaldi af því að listinn yfir Tegund réttinda varð stillanlegur eftir viðskiptavinum.

Bréf

Sniðmát fyrir bréf sem send eru út í tölvupósti eru nú aðgengileg í hliðarvalmynd undir Kjarni > Mannauður. Ef farið er í bréf í Kjarni > Mannauður þá eru aðeins aðgengileg mail merge svæði fyrir þann kerfishluta, á sama hátt og ef farið er í bréf í ráðningahlutanum þá eru þar eingöngu aðgengileg mail merge svæði fyrir ráðningahluta Kjarna.

Viðhengi starfsmanna aðgengileg úr spjöldum

Hnappi hefur verið bætt við öll spjöld starfsmanna til að hægt sé að nálgast þau viðhengi sem tengd eru á starfsmanninn í skjalaskápnum. Þegar smellt er á hnappinn þá opnast spjald sem byggir á skjalaskápnum. Í þessu spjaldi er hægt að vista ný viðhengi á starfsmann og opna þau viðhengi sem þegar hafa verið tengd á starfsmanninn.