Starfsfólk getur núna stimplað sig inn/út til vinnu með einföldum hætti á starfsmannavefnum.
Athugið að gera þarf viðeigandi stillingar í Kjarna client til þess að viðveruflísin verði sýnileg á starfsmannavefnum.
Starfsmenn geta svo nálgast sundurliðun á sínum stimplunum annaðhvort með því að smella á Skoða nánar eða með því að velja Viðvera í hliðarvalmynd.
Yfirlit stimplana birtist í einfaldri töflusýn hjá starfsfólki. Hægt er að stjórna því í Kjarna client hvort starfsfólk hafi réttindi til að breyta/eyða og stofna færslur, eða hvort sá valmöguleiki er falinn.
Það eru tvær birtingamyndir í boði þegar starfsmaður er að skrá tíma. Annars vegar er að skrá fjölda tíma en hins vegar að skrá inn og út tíma og reiknar þá kerfið fjölda tíma. Sjálfkrafa kemur fjöldi tíma en ef óskað er eftir að birta frekar inn og út tíma skal senda beiðni á service@origo.is
Starfsmaður getur skráð tímabil og er þá Tímabil valið og dagsetning frá og til og hve margar klukkustundir á að skrá fyrir hvern dag. Einnig er hægt að haka í hvort skrá eigi færslur á laugardaga og sunnudaga (skrá helgar) og/eða frídaga.
Ef starfsmaður reynir að skrá tímabil án þess að velja Tímabil þá kemur athugasemd þess efnis að það þurfi að velja Tímabil til að geta klárað skráninguna.
Ef starfsmaður gleymir að skrá sig út kemur athugasemd þess efnis við línuna. Starfsmaðurinn getur þá valið blýantinn til að breyta færslu eða valið ruslatunnuna til að eyða færslunni.
Fjarvistaskráning
Í þeim tilfellum þar sem starfsmenn eiga ekki að stimpla sig inn/út til vinnu, en fyrirtæki vilja halda utan um viðveru og fjarvistir er hægt að stilla inn tímaskráningaflís á starfsmannavefinn. Hér opnast gluggi þar sem starfsmenn geta skráð beint viðveru eða fjarvistir eins og veikindi og orlof.
Veikindaréttur
Hægt er að skilgreina veikindarétt starfsmanna á launatöflum eftir kjarasamningu, sjá nánar hér: Launatöflur
Þegar það hefur verið gert munu koma upp meldingar við skráningu veikinda ef veikindarétturinn er tæmdur.
Ef verið er að skrá veikindi yfir tímabil og starfsmaður á ekki rétt á þeim öllum kemur upp melding “Ekki er hægt að skrá veikindi á alla daga á völdu tímabili þar sem veikindaréttur er fullnýttur”. Einungis skrást þeir tímar sem starfsmaðurinn rétt á.
Ef starfsmaður sem hefur fullnýtt veikindaréttinn reynir að skrá veikindafærslu þá kemur upp meldingin “Ekki er hægt að skrá veikindi þar sem veikindaréttur er fullnýttur”. Engir tímar skrást hjá starfsmanni.
Hægt er að slökkva á tékki fyrir veikindarétt.
Orlofsréttur
Sjálfkrafa er kveikt á orlofstékki við skráningu á tímum á starfsmannavef. Hægt er að slökkva á þessu tékki en þá er orlofsstaða starfsmanns ekki skoðuð þegar starfsmaður skráir orlofstíma. Þegar verið er að athuga orlofsstöðu starfsmanns er verið að tékka í áramótastöðu orlofs.
Ef starfsmaður á orlofsávinnslu/orlofsinneign er tekið af henni ef orlofsstaða er búin.
Vinsamlegast sendið póst á service@origo.is ef áhugi er á að virkja þennan kerfishluta.