Stofngögn vegna PwC skýrslunnar eru sótt á ýmsa staði í kerfinu en því til viðbótar þarf að setja inn stillingar á gráður og stöður auk þess sem stilla þarf hvaða starfsaldurstegund á að miða við ef starfsmenn eru með skráðan viðbótarstarfsaldur.
Gráður
Stillingar á gráður eru settar inn undir Kjarni > Stofnskrár > Menntun - Gráður. Þar er að finna svæðið PwC - Stig menntunar.
Fljótlegra getur verið að skrá þessa flokkun í gegnum Select lista.
Select listann er hægt að nálgast með því að smella á Select hnappinn í listanum yfir gráðurnar.
Þannig er hægt að viðhalda gögnunum beint í listanum án þess að þurfa að opna hverja gráðu fyrir sig.
Athugið að passa upp á að vista listann þegar gögnunum hefur verið viðhaldið. 
Stöður
Stillingar á stöður eru settar inn undir Kjarni > Stofnskrár > Stöður.
Þar er að finna eftirtalin svæði:
- Staða gagnvart öðrum
- Einn af æðstu stjórnendum fyrirtækisins?
- Þrepanúmer æðstu stjórnenda í skipuriti
Þessum upplýsingum er líka hægt að viðhalda í gegnum Select lista á sama hátt og lýst er hér að ofan varðandi gráðurnar.
Tegund starfsaldurs
Í XAP > Gildi er sett inn númer þeirrar starfsaldurstegundar sem miða á við í skýrslunni. Stillingin er PwC.SeniorityID.
Númer viðeigandi starfsaldurstegundar er að finna í hliðarvalmynd Kjarni > Stofnskrár > Starfsaldur - Tegundir.