Stórafmælisskýrsla
Undir Kjarni → Skýrslur er nú búið að bæta við skýrslunni "Stórafmæli". Skýrslan keyrir í dag upp alla sem eiga stórafmæli (5 ára aldursbil) á árinu 2017. Síðar verður valskjá bætt á skýrsluna þannig að hægt verður að taka út stórafmælislista fyrir hvaða ár sem er.
Leitardálki bætt við í alla lista
Þegar listar keyrast upp í Kjarna er nú búið að bæta við leitardálk í þá alla sem áður þurfti að kveikja á fyrir hvern og einn lista.
Dagsetningar í Tenging innan fyrirtækis
Notendur hafa verið að lenda í því að dagsetningar í færslum í spjaldinu Tenging innan fyrirtækis hafa verið að skarast við dagsetningar á eldri færslum. Þetta hefur einkum verið að gerast þegar færslur eru afritaðar í spjaldinu. Búið er að taka á þessu og nú leyfir spjaldið ekki tvær færslur með sömu dagsetningar.
Samræming á innslætti dagsetninga í spjöldum
Í nokkrum spjöldum í Kjarna þurfti að setja inn punkt á milli dagsetningar, mánaðar og árs þegar dagsetning var slegin inn. Þetta hefur verið lagað svo nú er hægt að slá inn dagsetninguna án þess að ýta á punkt á milli á öllum stöðum í kerfinu.