Nýtt svæði á Undirsvæði
Bætt hefur verið við nýju svæði í skjáinn fyrir Undirsvæði. Svæðið heitir Kóði.
Intellecta - breytingar á spjöldum og skýrslu
Intellecta er að gera breytingu á kjarakönnun sinni þetta árið. Af þeim sökum hafa umfangsmiklar breytingar verið gerðar á Intellecta skýrslunni og flokkun Intellecta á stöðum, námsleiðum og gráðum.
Undirstaðsetning í Tenging innan fyrirtækis
Ef undirstaðsetning var skráð á staðsetningu var hún ekki að birtast í spjaldinu Tenging innan fyrirtækis. Þetta hefur verið lagað.
Umsjónarmenn í Tenging innan fyrirtækis
Ef starfsmannafulltrúi, launafulltrúi og tímastjóri er með starfsmannanúmer sem inniheldur fleiri en 4 tölustafi var hann ekki að birtast í spjaldinu í Tenging innan fyrirtækis. Þetta hefur verið lagað.
Heimilisfangi og símanúmeri bætt við á Staðsetningu
Heimilisfangi og símanúmeri hefur verið bætt við staðsetningu undir Stofnskrár > Staðsetningar.
Starfslýsing af stöðu birtist á starfsmanni í Tenging innan fyrirtækis
Ef búið er að tengja starfslýsingu við stöðu starfsmanns er hún nú aðgengileg í spjaldinu Tenging innan fyrirtækis. Þegar smellt er á hnappinn Starfslýsing í spjaldinu Tenging innan fyrirtækis þá opnast skjalið sem tengt er sem starfslýsing á viðkomandi stöðu.
Jafnlaunavottun - Persónubundnir þættir
Útbúið hefur verið nýtt spjald til þess að halda utan um persónubundna þætti starfsmanna vegna jafnlaunavottunar. Þar sem ekki allir viðskiptavinir nota persónubundna þætti í tengslum við jafnlaunavottun þá þarf að setja inn stililngar til þess að birta þetta spjald á kerfi viðskiptavinar auk listans fyrir spjaldið og viðbótardálka í jafnlaunavottunarskýrslunni. Sjá nánar hér. Senda skal póst á service@origo.is ef óskað er eftir að kveikt sé á þessari virkni.