Hægt er að sækja um orlof með því að fylla út orlofsbeiðni á starfsmannavef. Yfirmaður fær þá tölvupóst um að borist hafi beiðni sem krefst samþykkis. Þegar yfirmaður hefur samþykkt eða hafnað beiðninni fær starfsmaðurinn tölvupóst þess efnis.
Þegar orlofsbeiðni hefur verið samþykkt þá birtast skráningar starfsmannsins í viðveruhlutanum (ef verið er að nota viðveruhluta Kjarna), hægt er að sjá yfirlitið með því að smella á Skoða Nánar hlekkinn á viðveruflísinni eða fara í Viðveru í hliðarvalmynd.
Ath. vilji viðskiptavinir nýta sér þessa virkni þarf að setja inn ákveðnar stillingar, senda þarf tölvupóst á netfangið service@origo.is með beiðni um að bæta inn þessari virkni.
Nánar um sýn yfirmanns yfir beiðnir á Kjarna Vef hér
Tímastjóri sem samþykkjandi
Hægt er að láta tímastjóra samþykkja orlofsbeiðni í stað yfirmanns ef við á. Þá verður tímastjóri að vera skráður á skipulageininguna skipulagseininguna (eða á einstaklingi undir flipanum Umsjónarmenn í spjaldinu Tenging innan fyrirtækis). Ef tímastjóri á að samþykkja orlofsbeiðni þarf að setja inn stillingu svo starfsmaðurinn fái upp val um að velja tímastjórann í stað yfirmannsins þegar orlofsbeiðnin er send inn. Yfirmaðurinn kemur upp default sem samþykkjandi en hægt er að velja tímastjórann:
Ath. vilji viðskiptavinir nýta sér þessa virkni og fá inn stillinguna til að birta flipann þar sem hægt er að velja tímastjóra sem samþykkjanda þarf að senda tölvupóst á netfangið service@origo.is þess efnis. Einnig þarf tímastjórinn að vera með aðgangshlutverk sem veitir aðgang til að samþykkja beiðnina.
Á starfsmannavef er hægt að birta yfirlit yfir orlofsbeiðnir sem hafa verið sendar. Þá sér starfsmaður stöðuna á sínum orlofsbeiðnum ásamt stöðu orlofsbeiðna starfsfólks í sömu deild. Senda þarf beiðni á service@origo.is ef viðskiptavinir vilja fá þessa virkni inn.
. Ef orlofsbeiðni hefur verið hafnað sér bara starfsmaðurinn sjálfur þær upplýsingar um sjálfan sig. Starfsmaðurinn sér ekki upplýsingar um orlofsbeiðni sem hefur verið hafnað hjá öðrum starfsmönnum (rautt á mynd).
