Skattkort.

Gildir frá og til : Þessar dagsetningar hafa sömu virkni og annars staðar í Kjarna, þ.e.a.s. þær ráða því hvort þetta spjald er opnað í launavinnslu eða ekki.

Ef dagsetningar frá og til eru innan tímabils útborgunar, þá er spjaldið opnað í útreikningi launa. Þessar dagsetningar hafa ekki áhrif á hlutfall persónuafsláttar.

Athugið að ef launaútborgun nær yfir tvo mánuði þá er það tímabilið sem Kjarni skoðar varðandi gildisdagsetningar, óháð greiðsluformi starfsmanns.

Ónotaður:  Safnast sjálfkrafa. Ef nýtt skattkort sem skráð er inn í kerfið, inniheldur ónýttan persónuafslátt, er upphæðin handslegin hér inn.

Þegar skattkort er tekið út, er æskilegt að eyða þessari upphæð út úr kerfinu.

Síðast notað: Kemur sjálfkrafa. Stýrist af dagsetningum í flipanum „Tímabil” sem er skilgreint við stofnun útborgunar. Þegar skattkort er nýskráð inn í kerfið þarf að handskrá þetta inn skv. upplýsingum sem koma frá RSK.

Athugið að ef skattkort er skráð fram í tímann, þá þarf að skrá rétta dagsetningu í þetta svæði.

Ef ekkert er skráð í síðast notað nýtir Kjarni persónuafslátt fyrir einn mánuð.

Ef dagsetning síðast notað er ekki síðasti dagur mánaðar, þá mun  Kjarni nýta persónuafslátt vegna þessa mánaðar í dögum.

Dæmi : Skattkort er skráð síðast notað 10.10.2017. Kjarni reiknar persónuafslátt frá 11. til 31.okt.2017 eða í 21 dag. Útreikningur persónuafsláttar í dögum er (Persónuafsláttur á mánuði x 12 mánuðir / 365 dögum)

Laun frá utanaðkomandi aðila:  Þeir sem þiggja laun frá fleiri en einum launagreiðanda þurfa að upplýsa um hvaða skattþrep skuli miða við í útreikning á staðgreiðslu.

Þessar upplýsingar eru ekki skráðar í skattkort, heldur beint í launaskráningu eða í fasta liði ef viðvarandi ástand.

Launaliður 9140 er skráður inn ásamt einni einingu. Upphæðin miðast við það skattþrep sem við á hverju sinni.

Munið að ef þetta er fast á milli mánaða þá fer launaliður 9140 í fasta liði, annars einu sinni í launaskráningu “skrá laun”.

Frítekjumark barna:  Þeir sem eru með launþega undir 16 ára aldri þurfa að setja skatthlutfall barna x frítekjumark í ónotaðan persónuafslátt.

Árið 2017 er frítekjumarkið 180.000 og þ.a.l. er upphæðin sem sett er í ónotaðan persónuafslátt 6% af 180.000 = 10.800. Eftir að frítekjumarki er náð greiðist 6% skattur.

Meðhöndlun skattkorta um áramót

Um áramót þarf að yfirfara skattkortin og gera þau klár fyrir nýtt skattaár.

Það er gert í hliðarvali Kjarna > Mannauður > Skattkort.

Skattkortin eru flutt í .select lista með þar til gerðu tákni í tækjaslá.

Þægilegt er að nota síuna í dagsetningasvæðinu Gildir til og velja þar inn „Beyond this year“ og skoða þannig eingöngu þau skattkort sem gilda á næsta ári. Það auðveldar yfirferð.

Eyða þarf út ónýttum persónuafslætti og setja dagsetningu síðasta dag eldra árs í svæðið Skattkort síðast notað.

Ef sumarafleysingafólk fær að "geyma" skattkortin sín á milli ára, getur verið ráðlegt að skrá dagsetninguna 31.12.ÁÁÁÁ inn í svæðið Skattkort síðast notað til þess að sumarfólkið nýti persónuafslátt frá áramótum.