Persónuafsláttur.

Tegund: Tegundin Persónuafsláttur starfsmanns er valin nema ef um makakort er að ræða, þá er valin tegundin Persónuafsláttur maka.

Gildir frá: Þessi dagsetning hefur sömu virkni og annars staðar í Kjarna, þ.e.a.s. hún ræður því hvort þetta spjald er opnað í launavinnslu eða ekki.

Frá dagsetning verður að vera í gildi innan tímabils útborgunar, þá er spjaldið opnað í útreikningi launa, annars ekki. Ef starfsmaður hefur til að mynda störf 15 dag mánaðar og persónuafsláttur í gildi frá 15 degi mánaðar þá reiknast persónuafsláttur eins og það hefði verið í gildi frá 1 degi mánaðar.

Athugið að ef launaútborgun nær yfir tvo mánuði þá er það tímabilið sem Kjarni skoðar varðandi gildisdagsetningar, óháð greiðsluformi starfsmanns.

Gildir til : Þessi dagsetning hefur sömu virkni og annars staðar í Kjarna, þ.e.a.s. hún ræður því hvort þetta spjald er opnað í launavinnslu eða ekki.

Ef dagsetning er innan tímabils útborgunar, þá er spjaldið opnað í útreikningi launa. Þessar dagsetningar hafa ekki áhrif á hlutfall persónuafsláttar.

Athugið að ef launaútborgun nær yfir tvo mánuði þá er það tímabilið sem Kjarni skoðar varðandi gildisdagsetningar, óháð greiðsluformi starfsmanns.

Persónuafsláttur út:  Síðasti dagur nýtingar persónuafsláttarins. Ef starfsmaður á mánaðarlaunum vill t.d. aðeins nýta persónuafsláttinn að hluta í mánuði, er síðasti dagurinn skráður hér inn.

Dagsetningin sem skráð er hér kemur í síðast notað þegar útborgun er lokað. Hefur áhrif á útreikning launa.

Persónuafsláttur %: Það hlutfall sem starfsmaður má nýta í hverjum mánuði, skv. korti.

Ónotaður:  Safnast sjálfkrafa. Ef nýr persónuafsláttur er skráð inn í kerfið, inniheldur ónýttan persónuafslátt, er upphæðin handslegin hér inn.

Ekki er hægt að skrá inn í svæðið hærri fjárhæð en sem nemur fjölda mánaða sem liðnir eru af árinu. Kjarni skilar meldingu ef reynt er að skrá hærri fjárhæð með upplýsingum um hve há fjárhæðin má vera á þeim tímapunkti.

Þegar persónuafsláttur er tekin út, er æskilegt að eyða þessari upphæð út úr kerfinu.

Síðast notað:  Þetta svæði stýrir því frá hvaða tíma á að nýta persónuafslátt. Þegar persónuafsláttur er nýskráð inn í kerfið þarf að handskrá hér síðasta dag þess mánaðar sem persónuafsláttur var síðast nýttur skv. upplýsingum sem koma frá RSK

Dagsetningin í þessu svæði uppfærist þegar útborgun er lokað og stýrist af dagsetningum í flipanum „Tímabil” sem er skilgreint við stofnun útborgunar og úr svæðini "Persónuafsláttur út".  

Athugið að ef persónuafsláttur er skráður fram í tímann, þá þarf að skrá rétta dagsetningu í þetta svæði.

Ef ekkert er skráð í síðast notað nýtir Kjarni persónuafslátt fyrir einn mánuð.

Ef dagsetning síðast notað er ekki síðasti dagur mánaðar, þá mun  Kjarni nýta persónuafslátt vegna þessa mánaðar í dögum.

Dæmi : Persónuafsláttur er skráð síðast notað 10.október. Kjarni reiknar persónuafslátt frá 11. til 31.okt. eða í 21 dag.

Útreikningur persónuafsláttar í dögum er (Persónuafsláttur á mánuði x 12 mánuðir / 365 dögum)

Laun frá utanaðkomandi aðila:  Þeir sem þiggja laun frá fleiri en einum launagreiðanda þurfa að upplýsa um hvaða skattþrep skuli miða við í útreikning á staðgreiðslu.

Þessar upplýsingar eru ekki skráðar í persónuafsláttur, heldur beint í launaskráningu eða í fasta liði.

Ef um einskiptis aðgerð er að ræða, er launaliður 9140 sleginn inn í launaskráningu og upphæðin fyrir annað skattþrep skráð í upphæðasvæðið.

Ef um fastar greiðslur er að ræða, er launaliður 9140 sleginn inn í fasta launaliði starfsmanns á sama hátt, þ.e.a.s. launaliður 9140, eining 1 eða 100 eftir því hvernig launaliður 9140 er stilltur, og svo upphæðin fyrir annað eða þriðja skattþrep.

Greiðslutíðni:  Ef notuð er önnur greiðslutíðni en mánaðarlaun þarf að passa vel uppá að dagsetningar séu innan sama mánaðar, sjá hér: Stofna útborgun í kaflanum greiðslutíðni.

Persónuafsláttur um áramót

Um áramót þarf að yfirfara spjöldin fyrir persónuafslátt og gera þau klár fyrir nýtt skattaár.  

Aðgerðin "Persónuafsláttur yfir áramót" er í hliðarvalmynd til vinstri undir Laun - Aðgerðir. Valið er um eina af tveimur aðgerðum, annað hvort að núllstilla persónuafslátt á núverandi kortum sem eru í gildi til 31.12.9999, eða að stofna ný kort sem verða í gildi frá janúar til desember. Ef eingöngu eftirágreiddir starfsmenn eru í launavinnslu er algengara að valið sé að núllstilla persónuafslátt. Ef bæði fyrirfram og eftirá starfsmenn eru í launavinnslu þá er hentugra að stofna ný kort.

Núllstilla persónuafslátt

Þessi aðgerð núllstillir ónýttan persónuafslátt og setur síðasta dag ársins í síðast notað.

Valskjár kemur með nýja árið sjálfvalið ÁÁÁÁ. Þar þarf að haka við "Núllstilla persónuafslátt" og smella  á "Framkvæma" ef ekki er hakað í "Geyma niðurstöðu" kemur bara upp listi yfir þann persónuafslátt sem mun breytast, ef allt lítur vel út er aðgerðin keyrð aftur og þá með hakað í "Geyma niðurstöðu".

Open

Þá sprettur fram lítill gluggi sem segir notanda hvað Kjarni muni gera, ef það er rétt þá er valið "Já", annars "Nei" eða "Hætta við".

Persónuafsláttur yfir áramót

Þessi aðgerð stofnar ný kort, setur síðasta dag ársins í síðast notað og sem endadagsetningu á þann persónuafslátt sem til var fyrir.

Valskjár kemur með nýja árið sjálfvalið ÁÁÁÁ. Þar þarf að haka við "Persónuafsláttur yfir áramót" og smella  á "Framkvæma" ef ekki er hakað í "Geyma niðurstöðu" kemur bara upp listi yfir þann persónuafslátt sem mun stofnast, ef allt lítur vel út er aðgerðin keyrð aftur og þá með hakað í "Geyma niðurstöðu".

Valskjár kemur með skilaboðum um að gömlum kortum verði lokað og ný kort stofnuð.

Yfirferð

Hægt er að yfirfara persónuafslátt með þessum hætti:

Fara í hliðarval Kjarna > Mannauður > Persónuafsláttur

Þægilegt er að nota síuna í dagsetningasvæðinu Gildir til og skoða þannig eingöngu þann persónuafslátt sem gildir á næsta ári. Það auðveldar yfirferð. Það er annað hvort gert með því að velja þar inn „After“ og velja dagsetningu eða velja "Values" og haka við það sem við á, eftir uppsetningu hjá viðskiptavini.