Tegundir bréfa í hliðarvalmynd

Lista yfir Tegundir bréfa hefur nú verið bætt í hliðarvalmyndina. Þar er hægt að stofna nýjar tegundir bréfa eftir þörfum.

Þjóðskráruppfærsluforrit uppfæri aðra þó einn lendi á villu

Upp geta komið dæmi þar sem starfsmenn eru í utangarðsskrá Þjóðskrár Íslands og fyrirtæki eru almennt ekki með aðgang að þessari utangarðsskrá. Þar sem þessar kennitölur eru ekki til í almennu þjóðskránni þá kom villa í uppfærsluforritinu um að þessar kennitölur finndust ekki í þjóðskrá og forritið hætti að keyra. Þessu hefur nú verið breytt þannig að forritið keyrir í gegnum alla starfsmenn þrátt fyrir að einhver lendi á villu.

Starfsmannavefþjónusta sem skilar öllum starfsmönnum

Nýrri starfsmannavefþjónustu hefur verið bætt við en þessi nýja þjónusta skilar öllum starfsmönnum, óháð því hvort þeir eru í starfi eða ekki. Þessi þjónusta skilar auk þess upplýsingum um Ráðningarmerkingu og Tegund ráðningar svo hægt sé að sía níðurstöðurnar eftir þessum upplýsingum.
Slóðin á þessa vefþjónustu er mismunandi á milli viðskiptavina. Starfsmenn Applicon geta gefið nánari upplýsingar varðandi þjónustuna.

AD - Uppfærsla í sjálfvirkri keyrslu

AD uppfærsla getur nú keyrt í sjálfvirkri keyrslu.

AD - Varpanir per fyrirtæki

Nú er hægt að hafa mismunandi AD varpanir fyrir hvert fyrirtæki ef viðskiptavinur er með fleiri en eitt fyrirtæki.

AD - Gildi á nýja starfsmenn

Lagfært hefur verið að AD gildi skiluðu sér ekki á nýja starfsmenn.

AD – Starfsmenn sem ekki hafa hafið störf

AD tengingin leyfir nú flutning yfir í AD á starfsmönnum sem ekki hafa nú þegar hafið störf, þ.e. fyrsta færslan þeirra í Tenging innan fyrirtækis er dagsett fram í tímann.

Tenging við Sharepoint

Bætt hefur verið við tengingu þar sem Kjarni flytur gögn yfir í Sharepoint lista.
Starfsmenn Applicon stilla, í samráði við viðskiptavin, hvaða upplýsingar eiga að flytjast á milli kerfanna.