Skýrsla sem sýnir hvaða launaliðir eru skráðir á hvern launamiðareit (Áramót)
Undir Launaliðir í Launamiða valmynd er nú hægt að taka út lista yfir launaliði í launamiðum. Þannig er hægt að sjá hvaða launaliðir eru skráðir á hvern launamiðareit.
Launaframtal - færslur frá “Endurheimta” skila röngum stofni
Gerð var lagfæring á birtingu stofns til tryggingagjalds í launaframtali en var hann að koma rangur ef færslur komu frá “Endurheimta”.
Einnig var bætt inn þeim valmöguleika að taka launaframtal út fyrir ákveðin mánuð eða ákveðna útborgun til að auðvelda afstemmingu.
Launaáætlun - Óskilgreindir launaliðir koma ekki upp í skráningu og skila villuboðum
Ef launaliður er ekki skilgreindur undir “Launaliður í skráningu” í helluvalmynd áætlunar kemur hann ekki upp þegar smellt er á þrjá punkta í svæði launaliða við skráningu í áætlun. Ef reynt er að skrá í áætlun launlið sem ekki hefur verið skilgreindur koma núna villuboð um að ekki megi skrá áætun á þann launlið.
Launaáætlun - Leit virkar ekki undir fyrirtæki í aðgerðinni "stofna áætlun"
Við stofnun launaáætlunar virkaði ekki leitin þegar smellt var á þrjá punkta við fyrirtæki. Það hefur nú verið lagfært.
Sækja ávinnslur - Desemberuppbót
Ef ávinnslutímabil desemberuppbóta var skilgreint “Milli ára” þá þurfti að muna eftir að setja inn eldra ár þegar ávinnslur voru sóttar svo að ávinnslur frá desember á fyrra ári kæmu með. Þetta hefur nú verið útfært þannig að eldra ár kemur með þegar ávinnslur eru sóttar og ekki þarf lengur að muna sérstaklega eftir að setja það inn. Eldra ártalið hefur einungis áhrif á þær ávinnslur sem skilgreinar eru “Milli ára”.
Flytja ávinnslu í skráningu
Bætt hefur verið við þeim valmöguleika í valskjá við fluttning ávinnslu í skráningu að eyða áður fluttum færslum. Þá er hægt að endurvinna ávinnsluna og haka í “Eyða skuldbinding fyrir” ef senda þarf nýjar færslur í skráningu.
Ekki hægt að opna “Skoða” eða “Skila” ef ekki er skráð stofnunarnúmer á innheimtu í launaskráningu
Ef færsla sem inniheldur innheimtu sem krefst stofnananúmers td. starfsmannafélag kom inn í PayRecord úr föstum liðum eða innlestri eða bara með öðrum leiðum en beint úr "Skrá laun" þá var ekki hægt að opna Skoða eða Skila og villboðin voru ekki mjög skýr. Þetta hefur verið útfært þannig að vöntun á stofnananúmeri hindrar ekki opnun á “Skoða” og “Skila” heldur skilar athugasemd í skilagreinatréið.
Hægt er að tvísmella í línuna sem skilar “is null” og fá upp lista yfir þær færslur sem vantar stofnun á. Þar er hægt að draga inn nafn til að sjá hjá hvaða launnþega vantar númer fyrir stofnun.
Lokun útborgunar - aðvörun ef launþegi er með launafærslur en lokað grunnlaunaspjald
Þegar útborgun er lokað kemur Kjarni núna með villuboð ef einhver launþegi í útborguninni er með launafærslur á sér en lokað grunnlaunaspjald.
Lokun grunnlaunaspjalds - Viðvörun ef launafærslur eru á launamanni
Þegar verið er að loka grunnlaunaspjaldi launamanns vegna starfsloka sem gerir það að verkum að hann birtist ekki lengur í “Skrá laun” kemur núna viðvörun við aðgerðina ef viðkomandi er með launafærslur í opinni útborgun á tímabili lokunar. Leiðrétta þarf launafærslur og loka svo spjaldinu.
Skráning skilagreinamánuða í útborgun
Nú er ekki hægt að skrá skilagreinamánuð á færslu í launaskráningu sem ekki er tilgreindur í útborgun. Einungis er hægt að breyta bókunardegi þar með því að velja greiðsluform fyrirfram/eftirá.
Stéttarfélög í skýrslum
Þegar verið var að draga stéttarfélög inn í skýrslur í Kjarna voru að koma með færslur sem merktar voru “Ekki stéttarfélag” sem eru oftast starfsmannafélög. Þetta hefur núna verið lagfært þannig að færslur með þessa merkingu koma ekki lengur með í skýrslurnar.
Svæðinu Flokkun bætt í “Velja svið” í dálkalista
Nú er hægt að draga “Flokkun nafn” og “Flokkun nr” inn í nýja dálkalista. Ráðgjafar Origo geta aðstoðað við að ná þessum sviðum inn í eldri dálkalista. Sendið beiðni á service@origo.is ef þess er óskað.
Bæta vali í lista undir Mannauður
Bætt var inn vali í “Velja dálka” í eftirfarandi lista undir Mannauður:
Grunnlaun - Fjöldi vinnustunda á dag og fjöldi vinnustunda á mánuði
Orlof - Orlofsréttur
Vinnutími - Stéttarfélag nr. og Stéttarfélag
KPIGraphic horfið úr stillingum dálkalista
Við uppfærslu á DevExpress varð breyting á stillingum dálkalista varðandi birtingu KPI (Gul, rauð og græn ljós í formúlu dálkum) í dálkalistum. Nú er mun einfaldara að setja ljósin inn og taka þau út aftur. Hægri smella þarf á formúlu dálkinn og velja “Setja sem KPI” til að fá ljósin inn. Til þess að slökkvá á birtingu ljósa er hægri smellt í sama dálk og valið “Slökkva á KPI”. Sjá nánari leiðbeiningar varðandi dálkalista hér:Dálkalistar
Töflusaga launamanna - Listi sem sýnir allar launahækkanir launamanna útfrá launatöflum
Útbúin hefur verið nýr listi, töflusaga launamanna sem sýnir allar launahækkanir launamanna útfrá launatöflum sem skráðar eru á þá í grunnlaunaspjöldum. Sjá nánar hér:Töflusaga launamanna
Ef starfsmenn með takmarkaðan aðgang að Kjarna eiga að fá aðgang að listanum Töflusaga launamanna þarf að bæta skipun í hlutverkið sem viðkomandi er með. Senda þarf beiðni á service@origo.is til að fá aðstoð með það.
Sveitarfélagamiðar
Þegar launamiðar eru sendir til Ríkisskattstjóra er nú hægt að velja um að senda svo kallaða Sveitarfélgamiða vegna félagslegrar aðstoðar. Til þess að Sveitarfélagamiðar myndist í Kjarna þarf að skilgreina í starfsmannaspjaldi launþega að hann sé að fá Félagslega aðstoð. Það er gert undir flipanum Launakerfi.
