Orlofsyfirlit opnast á valskjá, sem kemur sjálfkrafa upp með yfirstandandi orlofsár og möguleika á að velja ákveðinn launamann.
Orlofsyfirlitið er skýrsla sem skrifuð var sérstaklega fyrir einn viðskiptavin okkar og sýnir hann starfsmenn skipt upp eftir sviðum.
Nánari útskýring á uppsetingu skýrslunnar:
- Fyrsti dálkurinn sýnir orlofsrétt starfsmanns í upphafi orlofsárs út frá ávinnslu síðasta árs.
- Næsti dálkur sýnir hversu marga tíma starfsmaður átti ótekna frá eldra orlofsári eða oftekna tíma.
- Þriðji dálkurinn sýnir síðan samtölu þessara tveggja dálka.
- Næstu dálkar sýna úttekið orlof eftir mánuðum. ATH! orlofslistinn sýnir ekki mínus á úttekna orlofstíma, þar sem launaliðurinn úttekið orlof er í eðli sínu mínusfærsla.
- Á milli september og október er dálkurinn Eftirstöðvar, en það er tilkomið vegna þess að starfsmenn þessa fyrirtækis eiga rétt á að fá uppbætur á það orlof sem tekið er út á tímabilinu október til apríl ár hvert.
- Síðustu þrír dálkarnir sýna síðan eftirstöðvar í lok orlofsárs, Viðbót er það sem bæst hefur við vegna orlofsúttektar á vetrartíma og síðasti dálkurinn er samtala þessara tveggja dálka, Eftirstöðvar og Viðbót.
