Launatöflur - gera fagaldur sýnilegan
Ef fagaldur er skráður á launatöflu þá er hann núna greinilegur í nýju svæði fyrir aftan nafn samnings. Svæðið birtist ekki ef ekki er skráður fagaldur á töflunni.
Launaseðill - virkja svæðið “Launaliður á launaseðli”
Undir flipanum Tafla/Seðill/Hópar á launaseðli er svæðið Launaliður á launaseðli og þar er nú hægt að skrá inn launalið sem birtist á launaseðli. Hak þarf að vera í svæðinu Launaliður í uppsetningu launaseðils svo að þetta virki. Sjá nánar hér: Launaliðir
Launabókun - breyting á bókunardögum
Útbúið hefur verið nýtt tímabil bókunarvísa sem setur síðasta dag launatímabils á eftirá greidd laun og fyrsta dag launatímabils á fyrirframgreidd laun þegar laun eru bókuð.
Þetta nýja tímabil heitir “Bókunardagur síðasti (eftirá) eða fyrsti (fyrirfram). Hægt er að óska eftir frekari upplýsingum hjá ráðgjöfum Origo með því að senda beiðni service@origo.is.
Skýrslan Jafnlaunavottun - bæta inn upphæð úr grunnlaunaspjaldi
Nú er hægt að draga inn í skýrsluna Jafnlaunavottun svæðið “Grunnlaun” sem birtir fjárhæð launa úr grunnlaunaspjaldi.
Vöntunarlisti orlofsreikninga - hægt að draga inn launafulltrúa
Nú er hægt að draga bæði nafn og númer launafulltrúa inn í Vöntunarlista orlofsreikninga.
Orlofsstaða og Orlofsyfirlit - bæta launafulltrúa í valskjá
Svæðinu Launafulltrúi hefur verið bætt í valskjái skýrlsnana Orlofsstaða og Orlofsyfirlit svo hægt sé að opna þær fyrir valda launafulltrúa.
Skýrslan Orlofsstaða - lagfæra birtingu gagna
Orlofsstaða kemur úr áramótastöðu sem er á starfsmann. Þegar kostnaðarstöð er dregin inn í skýrsluna kemur þar fram kostnaðarstöð aðallaunamannanúmers þar sem hún er ekki tengd á færslurnar.
Hægt er að breyta aðallaunamannanúmeri til að fá kostnaðarstöð annars starfs inn í skýrslu. Sjá hér hvernig hægt er að breyta aðallaunamannanúmeri: Breyta aðal launamannanúmeri
Útlitsbreyting á launasamþykkt á Kjarnavef
Smávægileg breyting hefur verið gerð á launasamþykkt. Nöfn eru núna breiðletruð og ef launafærslur er sprengdar út þá koma þær aðeins inndregnar.
Launaáætlun - komast í skýrslur úr skráningarmynd launaáætlunar á vef
Nú eru skýrslur aðgengilegar í valinni áætlun á vef bæði fyrir heildina og einnig fyrir skilgreinda hópa. Smellt er á hnappinn “Skýrsla”.
Launaáætlun færð í sér flipa
Búið er að færa launaáætlunina í sér flipa í hliðarvalmynd á Kjarna vefnum. Við þessa breytingu þarf að birta þennan kerfishluta sérstaklega á Kjarna vefnum og mun launaáætlunin því hætta að birtast á Kjarna vefnum. Til að fá hana birta aftur þarf að senda beiðni á service@origo.is og óska eftir að kveikt sé á þessum kerfishluta. ATH. það felur ekki í sér kostnað að láta kveikja á þessum kerfishluta fyrir þá viðskiptavini sem eiga kerfishlutann Launaáætlun.
Launabreytingar - bæta starfafjölskyldu í "Sýnileg gögn" í yfirliti launabreytinga
Í flipanum launabreytingar undir Launabreytingar á Kjarnavef er kominn sá möguleiki að velja inn starfafjölskyldu þegar farið er í sýnileg gögn.
Launabreytingar - birtingarmynd ef launaliður er hlutfall í föstum liðum
Ef launaliður sem stilltur var til birtingar undir “Önnur föst laun” var stilltur sem hlutfall voru fjárhæðir hans ekki að skila sér rétt í launabreytingum. Þetta hefur verið lagfært.
Gagnalón sambandsins - breyting á skilum vaktahvata
Samband íslenskra sveitarfélaga óskaði eftir að vaktahvatar birtist í fjórum dálkum, einn fyrir hvert þrep af vaktahvatahlutfalli. Gera þarf breytingar á dálkalistanum fyrir skýrsluna svo að þessi svæði skili sér rétt í gagnalónið.
Launaseðlar og launamiðar á island.is
Útbúin hefur verið þjónusta til sendinga launaseðla og launamiða úr Kjarna á island.is. Hægt er að senda póst á service@origo.is fyrir frekari upplýsingar.