Það er hægt að fela svæði, spjöld og kerfishluta á starfsmannavefnum auk þess sem hægt er að skilgreina hvort breytingaraðgangur sé að ákveðnum upplýsingum eða ekki. Starfsmannavefshlutverkið sem tengt er á starfsmanninn stýrir því hvort starfsmaður hafi breytingaraðgang að tilteknum upplýsingum eða ekki en ef sett er inn stilling til þess að loka á breytingarmöguleika á ákveðnum upplýsingum þá eru Breyta hnappar einnig faldir.
Stillingar fyrir starfsmannavefinn eru settar inn í Vefgildi undir flipanum Stillingar í kerfisvalmynd Kjarna.
Breyting
Sú breyting hefur orðið að nú þurfa viðskiptavinir að hafa samband við ráðgjafa varðandi aðstoð við að setja inn stillingar fyrir starfsmannavefinn. Hægt er að senda beiðni þess efnis á service@origo.is
Ástæður þess eru að með tilkomu Kjarnavefs eru stillingar fyrir hann einnig settar inn í Vefgildi og sumar þeirra stillinga þurfa að vera í ákveðinni röð þegar verið er að veita aðgang niður á hlutverk. Teljum við því ekki ákjósanlegt lengur að hafa stillingar fyrir starfsmannavefinn aðgengilegar á þessari síðu þar sem þær geta haft áhrif á aðgangsstýringar séu þær ranglega settar inn.