Almennt 3.8.5
- Halla Arnadottir
- Brynjar Már Brynjólfsson (Unlicensed)
- Lilja Guðrún Róbertsdóttir (Unlicensed)
Hraðað á innskráningu / ræsingu á kerfinu
Hraðað var á aðgerðinni að innskrá sig í kerfið / ræsa upp kerfið.
Formbréfsvirkni - eingöngu valdar línur
Þegar valdar voru færslur í lista og farið yfir í formbréfsvirknina (mail merge) þá komu yfir í formbréfsvirknina allar færslurnar í listanum en ekki eingöngu þær færslur sem valdar voru. Þessu hefur nú verið breytt þannig að eingöngu þær færslur sem valdar eru í listanum fari yfir í formbréfsvirknina.
Kjarna lokað - tékk hvort notandinn vilji örugglega loka kerfinu
Þegar notandi lokar Kjarna hefur verið bætt við tékki þar sem hann er spurður hvort hann vilji örugglega loka kerfinu.
Aðgangsstýringar - Ég
Nýjum aðgangsklasa hefur verið bætt við Kjarna. Þetta er aðgangsklasinn EmployeeMe og les hann hvaða notandi er innskráður og gefur honum aðgang að eigin upplýsingum m.v. þann aðgang sem skilgreindur er í hlutverkinu m.t.t. aðgerða og hvort aðgangurinn sé eingöngu til skoðunar og/eða breytinga. Þessi aðgangsklasi nýtist hvoru tveggja fyrir Kjarna client-inn og fyrir starfsmannavefinn.
Aðgangsstýringar niður á færslur í töflum
Nú er hægt að aðgangsstýra niður á ákveðnar færslur í öllum töflum í Kjarna. Áður var þetta hægt fyrir ákveðnar töflur en nú á þetta við um allt kerfið. Með þessu er t.d. hægt að takmarka aðgang notanda við ákveðnar tegundir hluta í láni, tegundir réttinda, lífeyrissjóði og stéttarfélög.
Aðgangsstýringar á launatöflur
Nú er hægt að stýra aðgangi notenda niður á ákveðnar launatöflur. Þannig er hægt að takmarka aðgang notanda, sem hefur fullan aðgang að öllum aðgerðum í launakerfinu, þannig að hann hafi eingöngu aðgangt að tilteknum launatöflum.
Aðgangsstýringar - viðhengi eftir skipulagseiningu
Notendur hafa hingað til getað haft aðgang að takmörkuðum hópi starfsmanna og ákveðnum viðhengjategundum fyrir þessa tilteknu starfsmenn. Í þessari útgáfu var aftur á móti bætt við að notandi gæti haft aðgang jafnvel að öllum starfsmönnum í kerfinu og viðhengjaspjaldi allra þessara starfsmanna en að aðgangur að ákveðnum viðhengjategundum sé takmarkaður við starfsmenn tiltekinnar skipulagseiningar.
Viðhengi - Drag & Drop virkni
Þegar verið er að vista viðhengi á starfsmann eða umsækjanda er nú hægt að draga viðhengið beint inn í gluggann í stað þess að sækja viðhengið með því að smella á "sækja skrá". Þegar spjaldið viðhengi er opnað þarf að stofna nýja færslu í spjaldinu, þá opnast nýr gluggi þar sem viðhengið er dregið inn í og skráðar eru frekari upplýsingar um viðhengið.
Leyfileg stærð viðhengja í Kjarna stækkuð
Ekki var hægt að setja inn viðhengi sem voru stærri en 3mb inn í Kjarna. Þessu var breytt svo nú er heimilt að setja inn viðhengi sem eru allt að 15 - 18 mb.
Stofna notanda í Kjarna - kerfið sendir sjálfkrafa tölvupóst
Breyting hefur orðið að þegar notandi er stofnaður í Kjarna þá sendir kerfið tölvupóst á notandann með upplýsingum um notendanafn og lykilorð. Áður opnaðist tölvupósturinn í Outlook og þurfti að senda hann þaðan á notandann. Stofna þarf bréf undir Kjarni > Stofnskrár > Bréf með þeim upplýsingum sem eiga að koma fram í tölvupóstinum. Stillt er síðan í Xap > Gildi > XapEmailTemplate.CreateUsers hvaða bréf er sent þegar notandi er stofnaður.
Stofna marga notendur
Bætt var inn nýrri aðgerð þar sem hægt er að stofna marga notendur á einu bretti og tengja á þá hlutverk. Sjá nánar hér.
Active Directory tenging - Stillingaratriði með hvaða UserAccountControl nýir notendur eru stofnaðir
Með stillingu AD.Value.UserAccountControl í XAP > Gildi er nú hægt að stilla með hvaða UserAccountControl nýir notendur eru stofnaðir í AD. Ef ekkert er skráð í stillinguna er sjálfgefið notað gildið 514 (ACCOUNTDISABLE | NORMAL_ACCOUNT).
Active Directory tenging - Sjálfvirk uppfærsla
Sjálfvirkni hefur verið bætt við Active Directory tenginguna þannig að það þarf ekki lengur að hafa sjálfvirka keyrslu sem uppfærir AD m.v. breytingar í Kjarna eða að breytingar séu handvirkt sendar yfir í Kjarna. Þessi sjálfvirkni á bæði við ef nýr starfsmaður er stofnaður og ef gögnum núverandi starfsmanna er breytt í spjöldunum Starfsmaður og/eða Tenging innan fyrirtækis. Starfsmaður stofnast þá sjálfkrafa strax í AD eða þær upplýsingar sem verið var að breyta upplýsingum uppfærast í AD, þ.e.a.s. ef verið er að breyta upplýsingum sem skilgreint er að flytjast eigi yfir. Til þess að kveikja á þessari sjálfvirkni þá þarf að setja stillinguna AD.UpdateEmployee.Active = true í XAP > Gildi.
Active Directory tenging - Óvirkja hætta starfsmenn
Nú er hægt að láta Kjarna óvirkja notendur í Active Directory. Til þess að kveikja á þessari virkni þá er sett inn stillingin AD.Value.DisabledStatuses og þar eru taldar upp þær ráðningarmerkingar sem eiga að óvirkja starfsmenn í AD. Ef kveikt er á sjálfvirkri uppfærslu starfsmanna, sbr. punktinn hér á undan, þá óvirkjast starfsmaðurinn sjálfkrafa í AD þegar ráðningarmerkingu starfsmanns er breytt í Kjarna í eitthvað af þeim gildum sem tiltekin eru í stillingunni. Ef ekki er kveikt á sjálfvirku uppfærslunni, heldur eingöngu á næturkeyrslu eða upplýsingar eru sendar handvirkt yfir, þá þarf að setja upp áminningu sem óvirkjar hætta starfsmenn. Þær upplýsingar flytjast þá yfir úr Kjarna í AD á nóttunni þegar áminningakeyrslan keyrir.
Active Directory tenging - Tölvupóstur sem sendist út þegar starfsmenn hætta
Bætt hefur verið inn í áminningarvirknina þannig að nú er hægt að senda tölvupóst á skilgreinda aðila þegar starfsmaður er merktur hættur í Kjarna og þ.a.l. óvirkjaður í AD.