Ráðningarferli/Onboarding

Ef viðskiptavinur notar mannauðskerfi Kjarna þá er hægt að klára ráðningarferlið á vefnum og stofna umsækjanda sem starfsmann í mannauðskerfinu. Þá þarf að breyta stöðu umsækjandans á umsókninni í Tilbúinn til ráðningar (eða í þá stöðu sem notuð er fyrir ráðningarferlið).

Ath. að hægt er að breyta stöðu umsóknar á nokkrum mismunandi stöðum. Sjá nánar hér.

Þegar umsækjandi hefur fengið stöðuna Tilbúinn til ráðningar þá birtist nafnið hans í listanum undir Ráðningarferli í hliðarvalmynd vinstra megin. Í þessum lista birtast nöfn þeirra sem á að ráða. Ef það birtist gulur þríhyrningur fyrir aftan nafnið þá þýðir það að viðkomandi er nú þegar til sem starfsmaður í mannauðskerfi fyrirtækisins. Er þá um Endurráðningu, Tilfærslu eða Bæta við starfi að ræða (ath. það þarf að setja inn stillingu ef það á að vera hægt að bæta við starfi í gegnum ráðningarferlið og þurfa viðskiptavinir að senda inn beiðni á service@origo.is ef þessi möguleiki á að vera til staðar). Undir Sýnileg gögn er hægt að velja inn þá dálka sem notandi kýs að hafa sýnilega og í hvaða röð.

Í þessu ferli er boðið upp á að óska eftir gögnum beint frá umsækjendum til að auðvelda og einfalda vinnu ráðningaraðilans við stofnun starfsmanns. Þau gögn sem hægt er að óska eftir eru upplýsingar um nánasta aðstanda, stéttarfélag, persónuafslátt, lífeyrissjóð, séreignarsjóð, banka, mynd og sakavottorð. Mynd og sakavottorð eru viðhengi. Hægt er að sleppa einstaka atriðum sem ekki á að óska eftir (með því að smella á hnappinn svo hann verði grár) eða skilyrða þau atriði sem umsækjandi verður að svara (með því að haka í Skilyrt). Smellt er á aðgerðina Óska eftir gögnum (sjá mynd hér að ofan) og breytist þá staða ráðningar í Í vinnslu og dagsetningin birtist undir Sent dags. Umsækjandinn fær þá tölvupóst með hlekk sem þarf að opna og fylla út. Umsækjandi fyllir út formið og smellir á Senda.

Umsækjandi fær tölvupóst þar sem hann smellir á hnapp til að opna formið. Ath að það er hægt að breyta þessum texta óski notendur eftir því:

Formið sem umsækjandinn fær:

Ath. ef umsækjandi vill fá formið yfir á ensku þá er smellt á EN neðst á síðunni eftir að formið er opnað.

Þegar umsækjandi hefur fyllt út í formið og smellt á Senda breytist staða ráðningar úr Í vinnslu í Svörum skilað. Einnig er hægt að velja Skoða til að sjá þau gögn sem umsækjandinn sendi inn. Smellt er svo á Ráða/Endurráða til að klára Ráðningarferlið.

Við þessa aðgerð flytjast persónuupplýsingar umsækjanda yfir í ferlið sem er klárað í nokkrum skrefum. Sjá nánar hér.

Magnráðning

Ef ráða á fleiri en einn starfsmann á sömu stöðu með sömu upphafsdagsetningu og með sömu upplýsingar í grunnlaunaspjaldi, orlof, vinnutíma, lífeyrissjóð og stéttarfélag er hægt að nota aðgerðina Magnráðning. Er þá hakað við þá umsækjendur sem á að magnráða og valin hnappurinn Magnráðning

Athugið eins og er er bara hægt að nota þessa virkni fyrir starfsmenn sem ekki eru til í Kjarna, þ.e. ef það er gulur þríhyrningu við starfsmanninn þá er ekki hægt að keyra aðgerðina Magnráðning á þann starfsmann þar sem um tilfærslu/endurráðningu er að ræða í því tilfelli. Ef aðilar hafa verið valdir sem eru nú þegar til í Kjarna koma upplýsingar um það í ferlinu

Ef óskað hefur verið eftir gögnum frá umsækjanda og hann skilað þeim inn þá koma þær upplýsingar ekki upp í magnráðingu. Þau gögn sem sett eru inn í magnráðningu yfirskrifa gögnin sem umsækjandinn skilaði inn þegar hann er ráðinn í gegnum magnráðningu. Ef nota á gögnin sem umsækjandinn skilaði inn þarf að fara í gegnum venjulegan ráðningarferil fyrir stakan umsækjanda.