Stofna valmynd
Þegar Valmyndir eru stofnaðar er farið í flipann Stillingar og þar er kafli sem merktur er Valmyndir.
Í boði eru þrjár valmyndir, stjórnborð, flísar og sleðar.
Smellt er á það tákn sem við á og opnast þá nýr flipi. Byrjað er á að vista tóma valmynd, með hjálp táknsins Ferill Geyma/stofna skrá. Loka valmyndinni og opna hana aftur úr möppunni sem hún var vistuð í.
Á hjálagðri mynd er búið að velja öll þrjú táknin, og fær hver flipi sama tákn og sýnt er í Valmynd í Stillingum.
Flísavalmynd
Flísavalmynd er einfaldasta valmyndin. Þegar búið er að vista hana þá eru listar einfaldlega dregnir úr Hliðarvali > Möppur inn á valmyndina.
Til þess að breyta lit á flísum eða texta á flísum er hægrismellt á viðkomandi flís og lit flísar breytt í reitnum Tile Background og texta í reitnum Caption.
Breytingar eru vistaðar með því að smella á Blýantstáknið í tækjaslá, eins og þegar listar eru vistaðir.
Ef eyða þarf lista úr valmynd, þá er það gert með því að velja töflutáknið í valmyndinni. þar er einnig hægt að viðhalda lit á flísum og texta.
Listi valinn og smellt á rauða mínusinn í tækjaslánni ef eyða á flís. Ef breyta á lit eða stærð á flís hér, þá er tvísmellt á listann og þá opnast sami gluggi og þegar hægrismellt er beint á flís í valmynd.
Sleðavalmynd
Sleðavalmynd er álíka auðvelt að búa til og Flísavalmynd. Munurinn liggur í því að í stað þess að draga listana beint inn á valmyndina, þá er farið í töflutáknið og þar er stofnuð lína fyrir hvern lista.
Smellt er á plús neðst í glugganum til að bæta við línu og valinn listi dreginn úr möppu í hliðarvali og inn í svæðið XapFile ID. Þar til hægri er hægt að yfirskrifa heiti listans og skipta um lit á flís og texta.