Lífeyrissjóður

Upplýsingar um hvaða lífeyrissjóð starfsmaður greiðir í og hversu mikið eru skráðar í þetta spjald. Áður en hægt er að skrá inn í spjaldið þarf að vera búið að stofna lífeyrissjóðina í kerfinu.

Ef starfsmaður greiðir í fleiri sjóði, myndast listi í svæðinu hægra megin. Smellt er á línu til að fá nánari upplýsingar um þann sjóð. Ef bæta þarf við sjóði er eldri lína afrituð og færslu breytt. Ef eyða þarf línu (sjóði) þá er línan valin í listanum og smellt á rauðan mínus í tækjaslá og breytingin vistuð.

Með því að ýta á punktana þrjá hjá Lífeyrissjóður nr. opanst listi yfrir þá lífeyrissjóði sem eru í kerfinu. Einnig er hægt að slá inn númer sjóðsins.

Til að skoða forsendur útreiknings lífeyrissjóðs er hægt að haldra niðri Ctrl hnappinum og smella á punktana þrjá við númer sjóðsins, þá opnast spjald viðkomandi lífeyrissjóðs. Veljið flipann ‘Launaútreikningur’

Reikniregla - Reiknitegund

Reiknast eins og sjóður:

Reikniregla kemur sjálfkrafa 'Reiknst eins og sjóður' og eru þá upplýsingar (reiknitegund og prósentur) sóttar í spjald lífeyrissjóðsins. Algengast er að nota þessa reglu fyrir almenna lífeyrissjóði.

Yfirskrifa reiknireglu og hlutföll:

Hér þarf að velja nýja reiknitegund og setja inn nýjar prósentur.

Dæmi; Starfsmaður á ekki að greiða iðgjald í lífeyrissjóð heldur skal aðeins reikna mótframlag og skal það eingöngu reiknað af dagvinnulaunum. Veljið „Yfirskrifa reiknireglu og hlutföll" og reiknitegund nr. 1 Dagvinna valin úr fellivali. Mótframlags prósenta skráð í reitinn Hlutfall fyrirtæki.   

Ef starfsmaður greiðir í tvo sameignar lífeyrissjóði, þá þarf að yfirskrifa reiknireglu fyrir annan sjóðinn og sleppa haki í Endurhæfingarsjóð

Yfirskrifa hlutföll:

Hér þarf að velja inn nýjar prósentur.

Dæmi; Starfsmaður greiðir ekki sama hlutfall (prósentu) og skilgreint er á lífeyrissjóði, eða mótframlag reiknast ekki það sama (%) og skilgreint er á lífeyrissjóði, en allur reikningur á samt að fylgja sjóði, þá er valin reiknireglan "Yfirskrifa hlutföll"
Reiknitegund er áfram óaðgengileg (grálituð) og sama er með hak fyrir orlof og endurhæfingasjóð, það fylgir reglum lífeyrissjóðsins.

Ef starfsmaður sem náð hefur 70 ára aldri hefur heimild til að greiða áfram í sinn almenna lífeyrissjóð er hægt að setja hak í svæðið “Greiða í almennan sjóð eftir 70 ára aldur”

Gildir frá - Gildir til

Til þess að færsla í spjaldi launamanns reiknist í útborguninni þarf hún að vera í gildi einhverntíman í bókunarmánuði útborgunar. 

Bókunarmánuður útborgunar ræður því hvaða færsla í spjaldi er notuð.  Ef verið er að leiðrétta laun afturvirkt þá reiknast í þann sjóð sem starfsmaðurinn er í þegar leiðréttingin er greidd færsludagsetningar hafa þá ekki áhrif.

Ef hins vegar á að reikna í sömu sjóði og voru í gildi á tímabilinu sem verið er að leiðrétta er hægt er að setja inn stillingu í Stillingar - Gildi   Xap.DontUseBookDate4Cards og true í gildi.