Stofna útborgun

Stofna útborgun

Áður en vinnsla útborgunar hefst þarf að stofna nýja útborgun í kerfinu. Til þess er smellt á „Stofna“ í launahringnum. Við það opnast valgluggi.

Sjálfkrafa er útborgunin stofnuð á það fyrirtæki sem er valið efst í valglugga.

Sjálfkrafa er hakað við „Eftirá laun“. Ef um fyrirframgreidd laun er að ræða þarf að haka við „Fyrirfram“.

Sjálfkrafa er valin útborgun fyrir yfirstandandi mánuð. Ef útborgunardagur er ekki réttur skal skrá réttan útborgunardag.

Þegar farið er út úr reitnum „Útborgunardagur“ fyllir Kjarni sjálfkrafa út dagsetningar í reitina undir „Tímabil“.

Velja inn launahópa ef það á við.

Þegar þessar upplýsingar hafa verið yfirfarnar og skráðar er hægt að fara í „Stofna útborgun“.

Útskýring á reitum

Greiðslutíðni

Mánaðarlaun koma sjálfvalin upp í greiðslutíðni þegar útborgun er stofnuð og er algengasta greiðslutíðnin.

Í einhverjum tilfellum er verið að nota greiðslutíðnina "Hálfsmánaðar" en þær útborganir verða að vera innan skilagreinamánaðar RSK, þó svo að vinnutímabil skarist mögulega við aðra mánuði.

Dæmi: Vinnutímabil er frá 28. september til 12. október.  Þá er dagsetning útborgunar skráð frá 1.-15. október en í  önnur tímabili er skráð rétt vinnutímabil.  Næsta tímabil er frá 13.- 27. október. 

Dagsetning útborgunar er skráð 16.-31. október en rétt vinnutímabil skráð í önnur tímabil.

Á þennan hátt reiknast persónuafslátturinn ávallt rétt fyrir mánuðinn og staðgreiðsluskilagrein fer eðlilega inn til RSK.

Tímabil

Hakað við "Eftirá" fyrir venjuleg mánaðarlaun (sjálfgefið)

• Hakað við "Fyrirfram" ef greiða á laun fyrirfram

Þegar þú slærð inn útborgunardag, útfyllir kerfið sjálfkrafa:

• Útborgunarnúmer

• Heiti útborgunar - hægt að breyta nafni.

• Tímabil - persónuafsláttartímabil.

Dæmi;

Þegar aðeins er verið að greiða eftirágreidd laun:

• Útborgun númer = númer mánaðar sem skráður er í útborgunardag.

• Nafn á útborgun = nafn mánaðar sem skráður er í útborgunardag

Þegar laun eru aðeins greidd eftirá eru þau yfirleitt greidd út síðasta dag mánaðar.

•  Tímabil byrjar = fyrsti dagur mánaðar sem skráður er í útborgunardag.

Tímabil endar = síðasti dagur þess mánaðar sem skráður er í útborgunardag

Í þessu dæmi er verið að geiða eftirá geidd laun fyrir janúar 2025.

Tímabilið er því 01.01.2025-31.01.2025

Dæmi;

Þegar aðeins er verið að greiða fyrirframgreidd laun:
Ef hakið er tekið af Eftirá og hakað í Fyrirfram í svæðinu Tímabil, þá breytast dagsetningar til samræmis. Hak tekið af Eftirá – útborgun aðeins fyrir FYRIRFRAM. 

 Þegar laun eru aðeins fyrirfram greidd, þá eru þau greidd fyrsta dag mánaðar.

• Tímabil byrjar = fyrsti dagur þess mánaðar sem skráður er í útborgunardag.

Tímabil endar = síðasti dagur þess mánaðar sem skráður er í útborgunardag

Í þessu dæmi er verið að greiða fyrirfram greidd laun fyrir febrúar 2025.

Tímabilið er því 01.02.2025-28.02.2025

Dæmi;

Þegar verið er að greiða bæði eftirá- og fyrirframgreidd laun
Ef hakað er bæði við Eftirá og Fyrirfram í svæðinu Tímabil, þá breytast dagsetningar til samræmis. 
Þegar laun eru greidd fyrir tvö tímabil er mismunandi hvort borgað er fyrsta dag fyrirfram mánaðar eða síðasta dag eftirá mánaðar.

• Tímabil byrjar = fyrsti dagur FYRRI mánaðar sem skráður er í útborgunardag.

• Tímabil endar = síðasti dagur SEINNI mánaðar sem skráður er í útborgunardag

Í þessu dæmi er verið að greiða eftirágreidd laun fyrir janúar og fyrirfram greidd laun fyrir febrúar 2025.

Tímabilið er því 01.01.2025-28.02.2025

Launahópar

Á aðeins við um þá sem nota launahópa í útborgun.

• Skráðu númer launahóps til að velja ákveðinn hóp starfsmanna

• Ef ekkert er valið birtast allir starfsmenn

• Athugið: Starfsmenn þurfa að vera skráðir í launahópinn

Ef notaðir eru launahópar þá er númer hóps skráð í reitinn Launahópur nr. og sækir kerfið þá nafn hóps. Aðeins þeir starfsmenn sem skráðir eru í viðkomandi launahóp, verða aðgengilegir í þessari útborgun. Ef enginn launahópur er valinn, þá koma allir starfsmenn fyrirtækis fram í útborgun. Launahópur er stofnaður úr grunnlaunaspjaldi starfsmanna. 

ATH. virknin í Kjarna er þannig að þegar smellt er á stofna úrborgun þá koma launahópar sjálfkrafa inn frá valinni útborgun svo ekki þar að skrá þá ef valda útborgunin er með sömu launahópun og nota á.

Ef valinn er launahópur sem enginn starfsmaður hefur fengið úthlutað, þá opnast skráningarmynd launa ekki. Á skjáinn kemur villumeldingin
"Vinsamlega athugið skráningar starfsmanna. Starfsmenn þurfa að hafa skráðar upplýsingar í spjöldin Tenging innan fyrirtækis, Grunnlaun og Vinnutími."

Aðgerðir

Mælt er með að ekki sé hakað við þessi svæði þegar útborgun er stofnuð. Best er að sækja fasta launaliði eftir að öllum fyrirhuguðum breytingum á skipuriti, föstum launaliðum og grunnlaunum hefur verið lokið.

Í mörgum smærri fyrirtækjum er þó algengt að fastir launaliðir séu sóttir um leið og útborgun er stofnuð. Það er í góðu lagi, að því gefnu að allar fyrirhugaðar breytingar hafi þegar verið framkvæmdar.

Ef hakað er við:

• „Fastir launaliðir“: Kerfið sækir sjálfkrafa alla fasta launaliði inn í útborgunina

• „Reikna laun“: Kerfið reiknar strax laun fyrir alla starfsmenn í útborguninni.

• •