Orlof

Í orlofsspjaldið er skráður orlofsflokkur oftast 24 til 30 dagar og svo reikniregla orlofs t.d „dagvinnu safnað rest í greitt“ þá safnar launamaður orlofstímum fyrir alla dagvinnu en fær greiddar orlofskrónur á yfirvinnu.

Orlofsupplýsingar eru vistaðar niður á launamann þar sem starfsaldur hans í viðkomandi starfi getur haft áhrif á orlofsflokk hans. Þannig getur starfsmaður verið með mismunandi orlofsprósentu í mismunandi störfum sem launamaður. Orlofsflokkar eru settir inn í stofnskránni Orlofsflokkar.
Velja þarf viðeigandi reiknireglu. Í boði eru eftirfarandi flokkar, en auðvelt er að búa til nýja flokka ef þörf krefur.

• Allt greitt, þá er reiknað orlof á öll laun starfsmanns og það greitt með launum.
• Allt í banka, reiknað orlof á öll laun og það lagt inn á bankareikning.
• Öllu safnað, reiknaðir eru orlofstímar út frá öllum launum.
• Dagvinnu safnað rest greitt, reiknaðir orlofstímar á þá launaliði sem merktir eru dagavinna og orlofsfé á aðra launaliði og það orlofsfé greitt með launum.
• Dagvinnu safnað rest í banka, reiknaðir orlofstímar á þá launaliði sem merktir eru dagavinna og orlofsfé á aðra launaliði og það orlofsfé greitt inn á bankareikning.
• Ekkert orlof reiknað,  starfsmenn eru ekki að ávinna sér orlofstíma né að fá orlofsfé á yfirvinnu.
• Dagvinnu ekki safnað, rest greitt, starfsmenn eru ekki að ávinna sér orlofstíma á launaliði sem merktir eru dagvinna en orlofsfé reiknast á yfirvinnu og það orlofsfé greiðist með launum.
• Dagvinnu ekki safnað, rest í banka, starfsmenn eru ekki að ávinna sér orlofstíma á launaliði sem merktir eru dagvinna en orlofsfé reiknast á yfirvinnu og það orlofsfé greitt inn á bankareikning

Ef gleymst hefur að hækka orlofsflokk þá er hægt að endurreikna orlofstíma í lokuðum útborgunum. Sjá leiðbeiningar Endurreikna orlofstíma