Endurreikna orlofstíma

Í launaskráningu starfsmanns er hægt að endurreikna orlofstíma.

1. Opnaðu skráningu starfsmanns í launakerfinu.

2. Smelltu á aðgerðarhjólið (sólina)

3. Veldu „Endurreikna orlofstíma“ úr valmyndinni.

Upp kemur valskjár með númer útborgunar og nafni starfsmanns.

• Til að endurreikna orlofstíma fyrir alla starfsmenn í útborgun: Fjarlægðu nafnið úr valskjánum. Aðgerðin nær þá til allra í þeirri útborgun.

• Til að endurreikna orlofstíma fyrir allar útborgarnir starfsmanns: Fjarlægðu útborgunarnúmerið. Aðgerðin nær þá til allra færslna viðkomandi starfsmanns.

Athugið: Ef breyting á orlofsprósentu nær aftur til fyrra árs, þarf að bæta við eldra ári í valskjáinn.

• Til að geyma útreikning: Settu hak í reitinn Geyma niðurstöðu áður en aðgerð er framkvæmd.

Kerfið mun uppfæra orlofstímana miðað við nýjustu upplýsingar úr orlofsspjaldi.

Hafa þarf í huga að orlofsárið er frá 1. maí til 30.apríl.

Ef verið er að breyta orlofstímum starfsmanns t.d. í október og breytingin er frá 1. janúar þá er búið að keyra orlofsáramót innan þess tímabils. Þá eru orlofstímar endurreiknaðir frá 1. maí en til að leiðrétta tíma fyrir janúar til apríl (Sem tilheyra þá eldra orlofsári ) á að skrá það sem uppá vantar á launalið 9289. Þá bætast tímarnir við orlofsstöðuna þegar búið er að endurvinna áramótastöðuna.

Eftir að orlofstímar hafa verið endurreiknaðir, þá þarf líka að endurreikna áramótastöðu starfsmanns. Fyrr koma réttir tímar ekki fram í orlofsskýrslum og skuldbindingu.

Athugið að í valskjá gæti þurft að bæta við síðasta ári, ef breytingin náði aftur á síðasta ár.

Hér eru nánari upplýsingar um hvernig áramótastaðan er endurunnin.

Ef verið er að leiðrétta orlof sem hefur verið greitt út, þarf fyrst að laga það í excel og skrá síðan inn í launaskráningu. Það er gert svona:

• Launaliður 9210 – Orlof á laun
  Grunneining: 100

Fyrir þá sem fá orlofið greitt inn á orlofsreikning bætist við:

• Launaliður 9201 – Orlof lagt í banka
  Grunneining: 1

Til að leiðrétta stöðu á eldra orlofi, skal skrá þá tíma sem vantar á launalið 9289

Til að bæta við ávinnslu orlofstíma fyrir næsta orlofsár skal skrá á launalið 9280

Við endurvinnslu áramótastöðunnar uppfærist orlofsstaða starfsmannsins í samræmi við þessar skráningar.