Áramótastaða launamanns

Hægt er að skoða yfirlit yfir alla launaliði sem starfsmaður hefur fengið greidda á árinu með því að smella á hnappinn „Áramótastaða“ í skráningarmynd launa.

Launaliðir koma sundurliðaðir niður á safnflokka, söfnunarár og stofnanir. 

Áramótastaðan er endurunnin með því að smella á hnappinn „Endurvinna“ í tækjaslánni.

Þessa aðgerð má framkvæma hvenær sem er – eina sem gerist er að upphæðir úr lokuðum útborgunum eru reiknaðar saman á ný.

• Aðeins er hægt að endurvinna eitt ár í einu. Ef fleiri ár eru valin í einu verður söfnunarárið ekki rétt.

• Ef endurvinna á áramótastöðu fyrir alla í fyrirtækinu er starfsmannanúmerið tekið út.

Ef endurvinna á áramótastöðu fyrir ákveðnar útborganir er hægt að telja þær upp með kommu á milli. Athugið að nota útborgunarnúmer, ekki útborgunarvísir.

Ef inntak of stórt; Hægt er að endursækja áramótastöðu út frá bókunarmánuði innan þess árs sem valið er. Til að virkja þetta val þarf að tvísmella á textann „Ef inntak of stórt“. Við það opnast möguleiki á að skrá inn mánuði, þar sem hver mánuður er táknaður með tölunni 1 til 12.

Hægt er að skrá inn marga mánuði í einu með því að aðskilja þá með kommu, t.d. „1,2,3,4“ ef endursækja á fyrstu fjóra mánuði ársins. Þegar mánuðir eru skráðir dettur hakið fyrir „Eyða færslum fyrir“ sjálfkrafa út.

Ef sækja á áramótastöðu fyrir heilt ár út frá mánuðum þá er byrjað á að eyða allri áramótastöðu fyrir viðkomandi ár með því að skrá inn „-1“ í útborgun og hafa hakað í „Eyða færslum fyrir“.

Síðan er farið í að sækja áramótastöðu fyrir valda mánuð einn eða fleiri í einu. Passað upp á að ekki sé hakað í „Eyða færslum fyrir“ ( á að detta út sjálfkrafa) og að sami mánuður sé ekki sóttur oftar en einu sinni.

Ef það á að endurvinna áramótastöðu í opinni útborgun, þarf að taka hakið úr „Aðeins lokaðar útborganir“.

Þannig er hægt að vinna með gögn í útborgun sem enn er opin, til dæmis þegar verið er að leiðrétta orlofsstöðu eða aðra launatengda þætti áður en útborgun er lokað.

Sundurgreina áramótastöðu

Hægt er að sundurgreina færslur í áramótastöðu til að rekja í hvaða útborgunum þær koma fyrir. Til þess þarf að velja viðkomandi línu og smella á táknið „Sundurgreina“ í tækjaslánni.

Þetta veitir nánari innsýn í uppruna færslunnar og getur verið gagnlegt við greiningu eða leiðréttingar.

Valskjá kemur upp með upplýsingum um ár, útborganir, launamannanúmer og launalið. Hér er farið í “Sækja”.

Hægt er að bæta við fleiri svæðum í yfirlitið með því að fara í „Velja dálka“. Hér hefur verið bætt við dálknum „Útborgun vísir“ til að auðvelda greiningu.