Starfsmannaferlar

Nýráðning

• Engin gögn koma.

Endurráðning

• Tenging innan fyrirtækis kemur tómt.

• Engar upplýsingar eru sóttar fyrir banka, skattkort, grunnlaun, lífeyrissjóð og stéttarfélög.

• Endadagsetning sett á öll spjöld, þrátt fyrir að ekki sé fyllt út í þau.

• Passa þarf ef starfsmaður á tvö launamannanúmer þá lokast þær færslur sem tilheyra starfsmanninum, banki og skattkort, og stofnast nýjar. Það þarf því að setja inn upplýsingar í þessu skrefi.

Tilfærsla

• Upplýsingar eru stóttar í starfsmannaspjaldið.

• Tenging innan fyrirtækis kemur tómt.

• Öll spjöld tengd launamannanúmeri eru sótt en fá öll endadagsetningu og nýjar færslur stofnast þótt engu sé breytt (fyrir utan launamannanúmerið spjaldið).

• Upplýsingar eru sóttar fyrir banka og skattkort en fá öll endadagsetningu og nýjar færslur stofnast þótt engu sé breytt.

• Ef yfirmaður er að keyra þessa aðgerð og hefur ekki aðgang að þessum starfsmanni í dag þá fær hann engar upplýsingar úr spjöldunum nema starfsmannaspjaldinu. Öll spjöld fá samt sem áður endadagsetningu og nýjar færslur stofnast með þeim upplýsingum sem settar voru inn.

Bæta við starfi

• Upplýsingar sóttar í starfsmannaspjaldið.

• Tenging innan fyrirtækis og önnur spjöld tengt launamannanúmeri koma tóm.

• Upplýsingar eru sóttar fyrir banka og skattkort en fá öll endadagsetningu og nýjar færslur stofnast þótt engu sé breytt.

Undir Mannauður > Starfsmannaferlar er hægt að stofna starfsmenn í Kjarna.

Kennitala starfsmanns er sett í reitin Kennitala og valið Leita.

Ef starfsmaðurinn er ekki til í Kjarna þá er valið Stofna starfsmann.

Ef starsfmaðurinn er til í Kjarna koma upp valmöguleikar - Endurráða (ef starfsmaðurinn er hættur störfum), Tilfærsla (ef starfsmaðurinn á að færast til í starfi) eða Bæta við starfi (ef stofna á nýtt launamannanúmer).

Það er hægt að fela hnappana fyrir Bæta við starfi og Tilfærsla. Ef óskað er eftir að fela þessa virkni, báðar eða aðra þeirra, þarf að senda beiðni á service@origo.is
Ef þessi hnappar eru faldir í Starfsmannaferlar eru þeir líka faldir í Ráðningarferli.

Ferlið er alltaf það sama hvort sem um nýrráðningu, endurráðningu, tilfærslu eða að bæta við starfi. Ef starfsmaðurinn er nú þegar í starfi koma upplýsingar úr þeim spjöldum sem hann er með skráð á sig í Kjarna. Í tilfærslu ferlinum koma upplýsingar í þau spjöld sem tilheyra starfsmannanúmeri og launamannanúmeri en í ferlinum þegar verið er að bæta við starfi koma bara upplýsingar fyrir þau spjöld sem tilheyra starfsmannanúmeri þar sem verið er að stofna nýtt launamannanúmer.

Skref 1: Grunnupplýsingar

Hér eru skráðar inn grunnupplýsingar stasrfsmanns eins og nafn, kyn og netfang. Einnig er staða starfsmannsins skráð hér fyrir spjaldið Tenging innan fyrirtækis. Hægt er að skrá framtíðarfærslu fyrir spjaldið Tenging innan fyrirtækis og er þá valið Bæta við spjaldi. Getur þetta komið sér vel t.d. ef skrá á fastráðningarfærsluna strax á starfsmanninn.

Skref 2: Persónuupplýsingar

Hér eru skráðar inn persónuupplýsingar starfsmanns eins og sími, farsími og heimilisfang.

Hér er einnig hægt að skrá inn vinnunetfang, vinnusíma og notendanafn starfsmanns. Ef kveikt er á sjálfvirkri stofnun notanda stofnast einnig notandi í ferlinu.

Skref 3: Launaupplýsingar

Hér eru skráðar upplýsingar fyrir grunnlaunaspjaldið, skattkort og banka. Hægt er að bæta við spjaldi fyrir skattkort ef skrá á t.d. makakort.

Skref 4: Viðbótarupplýsingar

Hér eru settar inn upplýsingar fyrir Orlof, Vinnutíma, Lífeyrissjóð og Stéttarfélag. Hægt er að bæta við spjaldi fyrir lífeyrissjóð, séreignasjóð, stéttarfélag og starfsmannafélag ef skrá á fleiri en eina færslu. Ef verið er að gera tilfærslu þá koma þær upplýsingar sem skráðar eru í þessi spjöld hér.

Skref 5: Ráða

Yfirlit yfir þær upplýsingar sem skráðar voru í ferlinu. Í öllum skrefum er hægt að sleppa að skrá upplýsingar (nema fyrir spjaldið Tenging innan fyrirtækis í skrefi 1) og stofnast þá ekki færslur í þeim spjöldum. Ef leiðrétta þarf einhverjar upplýsingar er farið í Til baka. Hægt er að fara til baka í öllum skrefum í ferlinu og einnig hætta við og vistast þá engar upplýsingar.

Þegar búið er að yfirfara gögnin er valið Ráða. Stofnast þá starfsmaðurinn í Kjarna.

Hægt er að hafa stillingu að þegar ráðningu er lokið er hægt að fara beint í að útbúa ráðningarsamning. Er þá valið Já og notandinn fluttur yfir í ferlið fyrir Rafrænar undirritanir.

https://kjarni.atlassian.net/wiki/spaces/KJAR/pages/1369047049