Launaliðir

Launaliðir eru hjartað í hverju launakerfi en ýmsar stillingar eru á hverjum og einum launalið sem ákvarða eiginleika hans og hvernig afreiknaðar færslur á borð við launatengd gjöld skulu reiknast. Aldrei má eyða út launalið sem hefur verið notaður í útborgun.

Staðsetning: Hliðarval Kjarni > Laun > Launaliðir

• Við opnun birtist listi yfir alla launaliði

• Sjálfgefnir dálkar innihalda:

  • Númer

  • Nafn launaliðs

  • Tegund

  • Bókhaldsflokkur

Varðveittu sögu launaliða og eyðið aldrei þeim sem þegar hafa verið notaðir.

Hægt er að bæta við flestu svæðunum sem eru í spjaldi launaliðar með því að smella á svarta plúsinn eða “Velja dálka”

Tákn í rauða kassanum gera þér kleift að:

• Skoða reiknireglur

• Sjá launamiðasvæði án þess að opna launaliðinn

Launaliðaspjaldið inniheldur sjö flipa sem þarf að setja inn stillingar eftir því sem við á. Sjá útskýringu á hverjum flipa hér að neðan;

Flipar í launaliðaspjaldi

Almennt

Tegund - Ákvarðar eðli launaliðar

• Valmöguleikar:

  • Laun

  • Iðgjald

  • Mótframlag

  • Safnfærsla

  • Skattaafsláttur

  • Innheimta

  • Gjaldheimta

Tímar/Einingar

• Hægt að velja:

  • Einingar

  • Tímar

  • Dagar

  • Kílómetrar

  • Hlutfall

  • Annað

Flokkur - Hér skal velja hvort að launaliður sé skráður inn í launaskráningu eða hvort hann komi úr reiknivél.

• Valkostir:

  • Skráning

  • Reiknuð

Reikniliður

Ef launaliður þarf að kalla á annan launalið, er það sett inn hér. Athugið að reikniliður þarf þá að vera til, sjá kafla Reikniliðir.

Skattur

Þessi merking ræður því hvar á staðgreiðsluskilagrein launaliður lendir. Ef valið er óskilgreint kemur launaliður ekki fram á staðgreiðsluskilagrein.

Vinnuform - Þessar upplýsingar eru fyrst og fremst notaðar við skýrslugerð. Til þess að stofna bæði Vinnuform og kostnaðartegund er smellt á punktana aftast í svæðinu og í þeirri mynd sem þá opnast er farið í grænan plús til að bæta við færslu

Viðbótarstillingar:

Stöðugildi

• Hak í reit gefur til kynna útreikning stöðugilda

• Mikilvægt: Setja þarf reiknr. 700 á launalið

Sækja álag í skráningu

• Haka til að sækja álag úr grunnlaunaspjaldi

• Notað af ríki og sveitarfélögum

Hlutfall sótt úr vinnutímaspjaldi

• Ef hakað er í þennan reit þá verður virknin þannig að ef þessi launaliður er skáður í Fasta liði mun kerfið sækja hlutfall í vinnutímaspjald og fylla það út í gr. einingu.

• Þarf ekki að breyta hlutföllum á tveimur stöðum ef starfsmaður breytir um starfshlutfall.

• Sérstaklega gott að nota hakið fyrir mánaðarlaunaliði sem skráðir eru í fasta liði.

Einingar elta daga

• Hlutfallsreikningur miðað við dagsetningu í launaskráningu

Ekki afrúna

• Samtala ekki afrúnuð

Reikningur

Stillt er á hvern launalið hvaða afreiknuðu færslur skuli reiknast. Aðrar stillingar geta haft áhrif til viðbótar.

Eftirfarandi reiknar eru í boði:

100 Staðgreiðsla - staðgreiðsluliðir 9141 og 9142 reiknast af þessum launalið út frá stillingum í Skatthlutföllum.

110 Staðgreiðslu afsláttur - afsláttarliðir 9110, 9111, 9120 og 9121 reiknast af þessum launalið ef starfsmaður er með skráðan persónuafslátt.

200 Orlofsútreikningur - launaliðir 9210 Orlof á laun eða 9280 Orlofstímar reiknast af þessum launalið eftir skráningum í orlofsspjald starfsmanns og reiknitegund launaliðar.

300 Lífeyrissjóður - launaliðir 9300 til 9399 reiknast á þennan launalið, eftir þeim sjóði sem skráður er á starfsmann.

400 Stéttarfélag - launaliðir 9400 til 9499 reiknast á þennan launalið, eftir því félagi  sem skráð er á starfsmann..

500 Tryggingagjald - launaliður 9501 reiknast á þennan launalið.

600 Gjaldheimtugjöld - færir þennan launalið inn í 75% reikniregluna í reiknivélinni.

700 Stöðugildi - reiknar greidd stöðugildi í útborgun, athuga að rétt merking sé í Einingar/Tímar. Ath. líka að ef launaliður er merkt tímar, þá þarf starfsmaður að vera með skráða tíma í Vinnutímaspjaldið, því það er notað til að finna rétta deilitölu.

Hægt er að slá inn skipunina PayWageCalc.List til að fá upp skýrslur yfir hvaða launliðir eru skráðir á hvern reikning.

Reikniform

1. Reiknitegund er notuð við skilgreiningu á orlofsreikningi, reikningi á stéttarfélagsgjöldum og lífeyrissjóðsgjöldum.

2. Reiknir nr. er stilltur inn á þá launaliði sem reiknivél notar og einnig til að stýra því hvar launaliður endar á skilagreinum.

3. Reikniregla nr. er einnig notuð af reiknivél og skilagreinum.

4. Reikniundirtegund er eingöngu notuð fyrir meðlag. Launaliðurinn meðlag verður að hafa þessa merkingu.

5. Stofnun er eingöngu notað á launaliði eins og t.d. meðlag, eftirágreiddir skattar o.s.frv. þar sem aðeins einn innheimtuaðili kemur til greina. Númerið er þá númer viðkomandi innheimtuaðila. Stofnun númer 1 er frátekin. Það er til þess að ef staðgreiðslulaunaliðir eru handinnslegnar inn í launalínur þá fái þeir rétt stofnananúmer.

6. Tímabil: Ef tímabil er sjálfgefið þá fylgir það tímabili greiðsluforms starfsmanns. Hægt er að festa tímabil á launalið, þannig að dagsetningar hans verði ávallt fyrirfram, eftirá eða að eigin vali.

7. Greiðsluform: Þetta tímabil ræður skilum staðgreiðslu til ríkisskattstjóra. Ef tímabil er sjálfgefið þá fylgir það tímabili greiðsluforms starfsmanns. Hægt er að festa þetta tímabil á launaliði. Dæmi fyrirframgreiddur starfsmaður : Staðgreiðsla af föstum launum skilast með fyrirfram tímabili, en staðgreiðsla af þeim launaliðum sem hafa verið merktir annað en sjálfgefið, skilast með völdu tímabili.

8. Þessi valstika er notuð af skilagreinum, en þessi gjaldategund stýrir því hvaða bókstafur fylgir gjaldi á skilagrein sem skrifuð er í skrá.

Tafla/Seðill/Hópar 

Launatafla

Tegund launatöflu ræður því hvert upphæðir launaliðar eru sóttar.

Algengast er að valið sé "Sótt í launatöflu" eða "Fasti"

Sótt í launatöfu er notað ef sækja á annað hvort hlutfall eða fasta í launatöflu.

Hlutfall er notað þegar skrá á hlutfall á launaliðinn sjálfan. Mælt er þó með að nota frekar “Sótt í launatöflu! þar sem það auðveldar yfirsýn og viðhald á hlutföllum.

Fasti er notað ef handskrá á inn fjárhæð launaliða þar sem hún er breytileg.

Ef valin er tegundin launaliður er hægt að skrá í svæðið "Launaliður í launatöflu" þann launalið sem tiltekinn launaliður á að reiknast eins og.

Áramót

Haka þarf í Flytja áramótastöðu yfir áramót (aðeins safnfærslur) ef færa á stöðu safnlaunaliðar yfir á næsta ár.

Frá og með mánuði nr. - ef nýtt ár hefst í september þarf að skrá 9 í þennan reit.

Launaseðill

Undir "Launaseðill" í spjaldinu eru settar inn stillingar um hvort og hvernig launaliðurinn birtist á launaseðlum starfsmanna.

Launaseðilsuppsetning er búin til fyrir hverja tegund birtingar á launaseðli. T.d er hægt að vera með launaseðilsuppsetningu sem gildir almennt fyrir launaliði og aðra sem er fyrir iðgjald í lífeyrissjóði og stéttarfélög. Hægt er að vera með eins margar uppsetningar og þurfa þykir, alltaf er hægt að stofna nýjar og/eða breyta, en það er gert í hliðarvali Kjarna > Laun > Listar og Stofnskrár > Launaseðill - Uppsetning.

Söfnun Hægt er að sameina launaliði til birtingar á launaseðli með því að nota Söfnun. Söfnunarhópur er búinn til og tengdur á þá launaliði sem við á. Það er framkvæmt í flipanum Tafla/Seðill/Hópar á hverjum launalið. Hægt er að vera með eins marga söfnunarhópa og þurfa þykir, alltaf er hægt að stofna nýja og/eða breyta.

Röð á launaseðli - í þessum reit er hægt að stýra birtingarröð launaliða á launaseðlinum.

Skráðu númer fyrir hvern launalið sem á að birtast á seðlinum. Til dæmis:

1. Skráðu "01" fyrir þann lið sem á að birtast efst.

2. Notaðu hærri tölur fyrir liði sem eiga að birtast neðar.

Í svæðið Launaliður á launaseðli er hægt að skrá þann launalið sem koma á fram á launaseðli ef td. á að draga saman marga liði sem eiga að birtast í einni línu á launaseðli. Þetta væri td hægt að nota vegna skráningar veikinda sem skrást á fleirri en einn launalið í launaskráningu en eiga einungis að birtast í einni samandreginni línu á launaseðli.

ATH að til þess að valdir launaliðir úr þessu svæði dragist saman á launaseðlinum verður að vera hakað í samantekt á Launalið í launaseðils uppsetningu launaliðanna. sjá nánar hér: Launaseðill - uppsetning

Launaliðir – Bókh./Kjararanns.

Hér eru settiar inn stillingar á launaliðinn sem skila sér inní skýrslu kjararannsóknar

hér eru settar inn upplýsingar um skráningu launaliðar í bókhald. Þesssar stillingar eru settar inn í samráði við fjárhagsdeild fyrirtækja

Texti

Hér er hægt að setja inn frekari lýsingu á launalið eða annan texta

Greining

Greining - hér eru settar inn upplýsingar sem nýtast við greiningu og skýrslugerð.

Áætlun - hér eru settar stillingar yfir launaáætlun.

Launamiðareitir - hér eru settar inn stillingar fyrir launamiða.

Þegar nýr launaliður er stofnaður þarf að gæta þess að fylla skilmerkilega inn í þá flipa sem við eiga í launaliðaspjaldinu. Oft getur verið gott að afrita sambærilegan launalið frekar en að stofna nýjan alveg frá grunni.

Þegar launaliður er afritaður, þá afritast allar upplýsingar úr flipum þess launaliðar sem afritaður er.  Það borgar sig alltaf þegar launaliður er afritaður, að yfirfara stillingar í flipum og athuga hvort þær samræmist nýja launaliðnum.

Ef afrita á launalið er farið í “Afrita” á valstikunni en í “Græna plúsinn” ef stofna á launalið frá grunni.

Þegar launaliður er afritaður þarf að setja inn nýtt númer launaliðar og fara svo í Afrita og Loka.

Ekki er gert meira í fyrsta skrefi.

Nýi launaliðurinn svo opnaður, nafni breytt og aðrar stillingar sem kunna að eiga við.

Athuga þarf sérsktalega;

• Skoðaðu alla flipa launaliðaspjalds

• Athugaðu sérstaklega:

  • Reikna

  • Launamiðasvæði

  • Bókhaldslykla

Meginreglan er að vera nákvæm og gæta þess að allir þættir séu rétt uppfylltir áður en nýr launaliður er virkjaður.

Muna að skrá inn hlutfall eða fasta í launatöflu fyrir nýja launaliðinn.

Laun >Launatöflur.