Hækka launatöflu

Hækkanir á launatöflu eru framkvæmdar í launatöflu listanum undir Kjarni – Laun. Til að hækka töflu er viðeigandi tafla valin í listanum vinstra megin í kerfinu. Þegar búið er að velja þann samning sem á að hækka er smellt á iconið „Aðgerðarhjól" sem er lengst til hægri í tækjastikunni.

Einnig er hægt að hægrismella á launatöfluna og velja þar „Hækka launatöflu"

Athugið að ef á að hækka launatöflu sem á að taka gildi á sama tíma t.d. vegna áætlunar þarf að setja inn annan gildisdag þegar tafla er hækkuð, fara svo í nýju töfluna og breyta gildir frá dagsetningu og tegund.

Ef hækka á seinna svona töflu sem hefur sama gildistíma tvisvar, þarf einnig að breyta Gildir frá á annarri töflunni t.d. í 02.10.2021, áður en farið í aðgerðina að hækka, hækka svo töfluna og breyta svo gildistíma til baka í 01.10.2021 í þessu dæmi.

Í glugganum sem opnast eru upplýsingar um þá töflu sem á að hækka efst.

Í neðri hluta gluggans eru slegnar inn upplýsingar um gildistíma hækkunar, hvort um sé að ræða hlutfallshækkun eða krónutöluhækkun. Einnig er hægt að skrá inn ef tafla á að hækka að lágmarki um ákveðna krónutölu og eins ef hámark er á hækkun.

Þegar launatafla er hækkuð flyst óbreytt allt sem skráð var í hlutfall og fasta í eldri töflu.

Ef að launatafla er leiðrétt aftur í tímann getur kerfið á einfaldan máta endurreiknað laun í greiddum útborgunum. Sjá nánar í Leiðrétta laun afturvirkt.